49 वी कोल्हापूर परिक्षेत्रीय पोलीस क्रीडा स्पर्धेमध्ये सातारा जिल्हा पोलीस दलास विजेतेपद.

 49 वी कोल्हापूर परिक्षेत्रीय पोलीस क्रीडा स्पर्धेमध्ये सातारा जिल्हा पोलीस दलास विजेतेपद.


----------------------------------------

फ्रंटलाईन न्युज महाराष्ट्र 

सातारा जिल्हा प्रतिनिधी 

अमर इंदलकर 

----------------------------------------    

49 वी कोल्हापुर परिक्षेत्रीय पोलीस क्रीडा स्पर्धा जिल्हा सोलापूर येथे पार पडली. सदर स्पर्धेमध्ये कोल्हापूर परिक्षेत्रातील पुणे ग्रामीण, सातारा, कोल्हापूर, सांगली, सोलापूर ग्रामीण व सोलापूर शहर अशा संघानी सहभाग घेतला होता. सातारा जिल्हा पोलीस दलाचे संघ व्यवस्थापक म्हणून श्री. विवेक लावंड, उपविभागीय पोलिस अधिकारी, पाटण विभाग, नियंत्रण व देखरेख अधिकारी म्हणून श्री.  अभिजीत यादव, सहा. पोलीस निरीक्षक, वाहतूक नियंत्रण शाखा, सातारा शहर व क्रीडा प्रमुख म्हणून श्री. सुनील सपकाळ, पोलीस नाईक यांनी कामकाज पाहिले. 

      या स्पर्धेमध्ये पुरुष व महिला मिळून ॲथलेटिक्स सुवर्ण पदक १३, १५ रौप्य, ९ कांस्य, फुटबॉल १ सुवर्ण, हॉकी १ कांस्य, हॉलीबॉल १ सुवर्ण, २ रौप्य, वेटलिफ्टिंग ११ सुवर्ण, ४ रौप्य, ३ कांस्य, कुस्ती ७ सुवर्ण, ३ रौप्य, ज्युदो ०६ सुवर्ण, ३ रौप्य, ५ कांस्य, स्विमिंग ८ सुवर्ण, ४ रौप्य, ४ कांस्य, क्रॉस कंट्री ७ रौप्य, बास्केटबॉल १ सुवर्ण, कबड्डी १ कांस्य, खो - खो १ कांस्य अशी पदके सातारा संघास मिळाली आहेत.

        सर्व क्रीडा प्रकारांमध्ये महिला व पुरुष संघाने सुवर्णपदक 48 रौप्य पदक 38 व कांस्यपदक 32 अशा एकूण 118 पदकांची कमाई केली. तसेच महिला संघाने 124 व पुरुष संघाने 142 गुण मिळवित 49 व्या कोल्हापूर परिक्षेत्रीय पोलीस क्रीडा स्पर्धेची महिला व पुरुष गटाचे विजेतेपद मिळवलेले आहे.

       पोलीस क्रीडा स्पर्धेमध्ये केलेल्या या उत्कृष्ट कामगिरी बाबत श्री. समीर शेख, पोलीस अधीक्षक सातारा, श्रीमती आचल दलाल, अप्पर पोलीस अधीक्षक सातारा यांनी सर्व खेळाडूंचे व त्यांना मार्गदर्शन करणाऱ्या मार्गदर्शकांचे देखील अभिनंदन केले. तसेच या पुढील स्पर्धेसाठी त्यांना शुभेच्छा दिल्या आहेत.

Comments

Popular posts from this blog

गांधीनगर मध्ये युवकांचा धारधार शस्त्राने निघृण खून.

निगडेवाडीत वह्यांचे वाटप.

गणेशोत्सव आगमन सोहळ्याचा फलक लावताना शॉक लागून एकाचा मृत्यू ; सहा जण जखमी.गारगोटीतील घटना.