मौजे वडगाव येथील जय हनुमान दूध संस्थेच्या नूतन इमारतीचा उदघाटन समारंभ संपन्न.

 मौजे वडगाव येथील जय हनुमान दूध संस्थेच्या नूतन इमारतीचा उदघाटन समारंभ संपन्न.

----------------------------------------- 

शिरोली प्रतिनिधी

अमित खांडेकर 

----------------------------------------- 

मौजे वडगाव, ता.हातकणंगले येथील जय हनुमान सहकारी दूध व्यावसायिक संस्था मर्यादित मौजे वडगाव या नूतन इमारतीचे उदघाटन नूतन आमदार अमल महाडिक व     अशोकराव माने(बापू) यांच्या शुभहस्ते संपन्न झाले.

या कार्यक्रमाच्या अध्यक्षस्थानी जिल्हा गोकुळ दूध संघाचे चेअरमन अरुण डोंगळे हे उपस्थित होते.

या कार्यक्रमाला प्रमुख उपस्थिती गोकुळ दूध संघाचे माजी चेअरमन व जेष्ठ संचालक विश्वास पाटील(आबाजी),गोकुळ दूध संघाचे संचालक व माजी आमदार सुजित मिनचेकर, मुरलीधर जाधव,गोकुळ दूध संघाचे सहाय्यक निंबधक प्रदीप मालगावे,मौजे वडगाव च्या लोकनियुक्त सरपंच कस्तुरी पाटील, उपसरपंच रघुनाथ गोरड यांची उपस्थिती होती.

यावेळी बोलताना अरुण डोंगळे म्हणाले की, या जय हनुमान डेअरी ने दूध पुरवठ्यात सातत्य ठेवले आहे.या डेअरी च्या दुधाची प्रत चांगली आहे.गायीच्या दुधाला अनुदान मिळण्यासाठी शासनाकडे मागणी करणार आहे.तसेच सोलर धोरण लवकरच अंमलात आणणार असल्याचे सांगितले.

यावेळी बोलताना आमदार अमल महाडिक म्हणाले की,मौजे वडगाव, तासगाव हा भाग कोरडा भाग म्हणून ओळखला जात होता.या भागात नवनवीन तंत्रज्ञान वापरून दुग्ध व्यवसाय समृद्ध बनला आहे.शून्यातून या भागाने आपली स्वतः ची निर्मिती केली आहे.तरुणवर्ग या व्यवसायाकडे एक वेगळा व्यवसाय म्हणून बघत आहेत.ही एक जमेची व चांगली बाजू आहे.

यावेळी माजी आमदार व गोकुळ चे संचालक डॉ सुजित मिनचेकर म्हणाले की या संस्थेने 16 लिटर पासून दूध संकलनाला सुरुवात केली होती.आज 2000 लिटर पर्यन्त मजल या संस्थेने मारली आहे.

यावेळी उत्कृष्ट दूध पुरवठादारांचा सत्कार मान्यवरांच्या हस्ते करण्यात आला.

यावेळी जय हनुमान दूध संस्थेचे चेअरमन सतीशकुमार चौगुले, व्हाईस चेअरमन इंदूताई नलवडे, संचालक बाळासो थोरवत, सुरेश कांबरे,महादेव शिंदे,रावसो चौगुले, सुभाष मुसळे,महादेव चौगुले, शकील हजारी, जयवंत चौगुले, नेताजी माने,जयश्री यादव,जयश्री रजपूत,सचिव आण्णासो पाटील यांच्यासह सर्व दूध उत्पादक सभासद, ग्रामस्थ मोठ्या संख्येने उपस्थित होते.