नागाव येथे बिबट्या उसाच्या फडाच्या आगीत होरपळून बिबट्याचा पिलाचा मृत्यू.
नागाव येथे बिबट्या उसाच्या फडाच्या आगीत होरपळून बिबट्याचा पिलाचा मृत्यू.
---------------------------
शिरोली प्रतिनिधी
अमित खांडेकर
--------------------------
नागाव ता.हातकणंगले येथील गाडीवड परिसरात अमित चिंतामणी सोळंकुरे यांचे शेत आहे. काल मंगळवारी त्यांनी आपल्या शेतातील आडसाली ऊस पेटवून तोड चालू केली होती.यावेळी ऊसाचा फड पेटवला असता शेतात लपून बसलेल्या बिबट्याने पळ ठोकल्याचे ऊस तोड मजुरांनी सांगितले. आज सकाळी शेतामध्ये शेतकरी गेले असता बिबट्याचे एक पिल्लू होरपळून मेल्याचे निदर्शनास आले.त्यांनी तात्काळ ही बातमी वनविभाग व शिरोली एम आय डी सी पोलिसांना कळविली. त्यानंतर वनविभाग व पशुवैद्यकीय टीम घटनास्थळी दाखल झाली. वनविभागाने पंचनामा केला असता ते बिबट्या चे पिल्लू असल्याचे सांगितले. पशुधन अधिकाऱ्यांनी जागेवरच शवविच्छेदन करून त्या बिबट्या चे दहन केले.
यावेळी वनपाल एम एस पोवार, आर एफ ओ रमेश कांबळे, पशुधन विकास अधिकारी अश्विनी बोगार्डे, वनरक्षक विकास घोलप, रेस्क्यू टीम चे अमोल चव्हाण,नागाव चे पोलीस पाटील बाबासो पाटील हजर होते.
यावेळी वन अधिकाऱ्यांनी या परिसरात दोन दिवस ड्रोन च्या साहाय्याने एक टीम कार्यरत ठेऊन पाहणी करणार असल्याचे सांगितले. या पिलांच्या शोधात बिबट्या रात्री येण्याची शक्यता आहे.तसेच याची आणखीन पिल्ले या परिसरात असण्याची शक्यता आहे.सद्या सर्वत्र ऊसतोड चालू आहे. त्यामुळे शेतकऱ्यांनी सावधानता बाळगावी असे आवाहन त्यानी केले आहे.
Comments
Post a Comment