Frontline News Maharashtra

 मागेल त्याला सौर कृषी पंप, महावितरणने ओलांडला ५० हजारांचा टप्पा. शेतकऱ्यांना सिंचनासाठी केवळ दहा टक्के रक्कम भरून सौर ऊर्जा निर्मिती पॅनेल्स व कृषी पंप असा संपूर्ण संच देणाऱ्या मागेल त्याला सौर कृषी पंप या योजनेच्या अंतर्गत पंप बसविण्यामध्ये महावितरणने सहा महिन्यात पन्नास हजारांचा टप्पा ओलांडला आहे. उपमुख्यमंत्री तथा ऊर्जा मंत्री मा. देवेंद्र फडणवीस यांनी या योजनेची अंमलबजावणी प्राधान्याने करण्याची सूचना महावितरणला दिली असून त्यानुसार युद्ध पातळीवर काम चालू आहे, असे महावितरणचे अध्यक्ष तथा व्यवस्थापकीय संचालक लोकेश चंद्र यांनी सांगितले. मागेल त्याला सौर कृषी पंप योजनेत सर्वसाधारण शेतकऱ्यांना दहा टक्के तर अनुसूचित जाती – जमातींच्या शेतकऱ्यांना पाच टक्के लाभार्थी हिस्सा भरावा लागतो. ऊर्वरित रक्कम केंद्र व राज्य सरकारकडून अनुदान म्हणून मिळते. दिवसा वीज पुरवठा आणि लोडशेडिंग किंवा बिलाची चिंता नाही, असे सौर कृषी पंपांचे वैशिष्ट्य असल्याने शेतकऱ्यांमध्ये ही योजना लोकप्रिय ठरली आहे.  पंतप्रधान नरेंद्र मोदी यांच्या सरकारने शेतकऱ्यांसाठी सुरू केलेल्या प्रधानमंत्री कुसुम बी या योजनेच्या...

  तावडे हॉटेल परिसरातील सतत होणारी वाहतुक कोंडी सोडवा-करवीर शिवसेना उध्दव बाळासाहेब ठाकरे पक्ष.         तावडे हॉटेल चौकामध्ये सतत वाहतुकीची कोंडी होत असते. पुणे-मुंबईसह हायवेवरून कोल्हापूर मध्ये तावडे हॉटेल मार्गे शहरात प्रवेश करत असतात. तावडे हॉटेल चौकामध्ये शहर विभागातील वाहतुक पोलिस नसल्याने दिवसातून अनेक वेळा वाहतुकीची कोंडी होत असते हीकोंडी सरळ मुख्य हायवेवर तसेच शहर विभागातील मुख्य कमान या दोन्ही बाजूला वाहनांच्या भल्या मोठया रांगा लागतात गांधीनगरच्या बाजूला गांधीनगरचे वाहतूक पोलिस शाखेचे दोन ते तीन वाहतुक पोलिस सतत असतात पण सदर चौकामध्ये तावडे हॉटेलच्या शहराकडील बाजूस शहरातील वाहतुक पोलिस शाखेचे कोणतेही वाहतूक पोलिस नसल्याने गांधीनगरला खरेदीसाठी जाणाऱ्या नागरिकांचे सतत होणाऱ्या वाहतुक कोंडीमुळे अडथळा होत आहे. सतत होणाऱ्या या वाहतुक कोंडीमुळे उचगांवच्या शेतकऱ्यांनाही निगडेवाडी पंचगंगा नदी परिसरातील असणाऱ्याआपल्या शेतामध्ये जाताना वाहतुक कोंडीचा मोठा मनस्ताप सहन करावा लागतो. आता तर दसरा व दिवाळीमध्ये कोल्हापूर शहरात पर्यटकांची येण्याची संख्या मोठी असल्याने ...

  तब्बल चाळीस वर्षानंतर कुरणेवाडीतील स्मशानशेडचा प्रश्न मार्गी :: सह्याद्री साखर कारखान्याचे चेअरमन बाळासाहेब नवणे ::.कोरे दापत्यांच्या सततच्या प्रयत्नांना यश ! ---------------------------- कौलवप्रतिनिधी  संदीप कलिकते ----------------------------               जाधववाडी ,लाडवाडी, तुळशी धरण वसाहत, नऊनंबर आदी वाड्यावस्त्यासह मिळून बनलेल्या धामोड पैकी कुरणेवाडीतील स्मशान शेडचा प्रश्न ग्रा.प सदस्या नेत्रांजली कोरे व सामाजिक कार्यकर्ते विनायक कोरे यांच्या सततच्या पाठपुराव्यामुळेच कायमचा मार्गी लागला असल्याचे प्रतिपादन सह्याद्री सहकारी साखर कारखान्याचे चेअरमन बाळासाहेब नवणे यांनी केले.                                                 कुरणेवाडी (ता राधानगरी) येथे आमदार प्रकाशराव आबिटकर यांच्या आमदार फंडातून मंजूर दहा लाख रुपयाच्या स्मशानशेड बांधकाम शुभारंभ प्रसंगी ते बोलत होते अध्यक्षस्थानी सरपंच सौ रेश्मा नवणे होत्या .उपसरपंच व...

  जिल्हा  नियोजन समितीवर डॉ. सुभाषराव जाधव यांची "विशेष निमंत्रित सदस्य "म्हणून निवड. -------------------------------------   कौलव प्रतिनिधी संदीप कलिकते -------------------------------------                    शिरगाव (ता राधानगरी) येथील श्री सुभाष विकास सेवा संस्थेचे संचालक व राधानगरी तालुका भारतीय जनता पार्टीचे माजी तालुकाध्यक्ष व जिल्हा चिटणीस डॉ. सुभाषराव पांडुरंग जाधव यांची कोल्हापूर जिल्हा नियोजन समितीवर "विशेष निमंत्रित सदस्य" म्हणून नुकतीच निवड झाली. महाराष्ट्र शासनाचे नियोजन विभागाचे उपसचिव नि. भा खेडकर यांनी त्यांना नियुक्तीपत्र नुकतेच दिले आहे.          .या कामी त्यांना मंत्री चंद्रकांतदादा पाटील, खासदार धनंजय महाडिक पालकमंत्री हसनसो मुश्रीफ, जिल्हाध्यक्ष नाथाजी पाटील तालुकाध्यक्ष विलास रणदिवे अखिलेश कांदळकर यांचे बहुमोल सहकार्य लाभले डॉ.सुभाषराव जाधव हे गेली २५ वर्षे भारतीय जनता पार्टीचे सक्रिय कार्यकर्ते असून यापूर्वी त्यांनी ग्रामपंचायत,पंचायत समिती, जिल्हा परिषद, भोगावती सा...

  भारतीय सशस्त्र सैन्यदलामध्ये अधिकारी पदाच्या पूर्व प्रशिक्षणाची मोफत सुवर्णसंधी. कोल्हापूर, दि. 30 (प्रतिनिधी) : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्व्हिस सिलेक्शन बोर्ड (SSB) परीक्षेची पूर्व तयारी करुन घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे महाराष्ट्र शासनातर्फे महाराष्ट्रातील नवयुवक व नवयुवतीसाठी दिनांक 14 ऑक्टोबर ते 23 नोव्हेंबर 2024 या कालावधीत सर्व्हिस सिलेक्शन बोर्ड (SSB) कोर्स क्र. 58 आयोजित करण्यात येत आहे. कोर्स कालावधीत प्रशिक्षणार्थीना निःशुल्क प्रशिक्षण, निवास व भोजन दिले जाते. जिल्ह्यातील इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय, कोल्हापूर येथे दि. 10 ऑक्टोबर 2024 रोजी मुलाखतीस हजर रहावे, असे आवाहन जिल्हा सैनिक कल्याण अधिकारी ले. कर्नल डॉ. भिमसेन चवदार (निवृत्त) यांनी केले आहे. मुलाखतीस येताना उमेदवारांनी डिपार्टमेंट ऑफ सैनिक वेल्फेअर, पुणे (DSW) यांच्या संकेतस्थळावर सर्च करुन त्यामधील (SSB) कोर्स क्र. 58 कोर्ससाठी (किंवा संबंधित जिल्हा सैनिक...

 अजयकुमार सतीशराव माने अतिरिक्त मुख्य कार्यकारी अधिकारी, जिल्हा परिषद, कोल्हापूर यांच्या सेवा निवृत्तीच्या निमित्ताने त्यांनी केलेल्या कामाचा अल्पसा परिचय ----------------------------- शशिकांत कुंभार -------------------------------- मिरज मध्ये दिनांक ३०/०९/१९६६ जन्म घेतलेल्या अतिरिक्त मुख्य कार्यकारी अधिकारी अजयकुमार माने यांच्या सेवा निवृत्तीच्या निमित्ताने त्यांनी आपल्या कारकीर्दीत केलेल्या कामकाजाचा आल्पसा परीचय आम्ही आमच्या फ्रंटलाईन न्यूज महाराष्ट्र व दैनिक सुपर भारत मध्ये प्रसिद्ध करत आहोत  अजयकुमार माने यांचे मूळ गाव  बस्तवडे ता- तासगाव जि.सांगली त्यानी आपलं शिक्षण बी. ई. सिव्हील, एम ई स्ट्रक्चर, वालचंद कॉलेज ऑफ इंजिनिअरिंग, सांगली १९८७. शिवाजी विद्यापीठात सर्वप्रथम पुर्ण केल्यानंतर  डिझाईन कन्सल्टंट सहायक सांगली येथे एक वर्ष १९८७-८८ पदभार स्वीकारला  १९८८-८९ एम ई दूर संचार विभाग, मुंबई, कोल्हापूर येथे कनिष्ठ अभियंता म्हणून रुजू झाले महाराष्ट्र लोकसेवा आयोगाच्या परीक्षेतून १९९० गटविकास अधिकारी वर्ग-१ पदावर निवड - जुलै १९९२ मध्ये सेवेत रुजू. १. गटविकास अधिक...

  कुंभेश्वर सेवा सोसायटी व भागिरथी महिला सेवा सोसायटी वार्षिक सभा उत्साहात संपन्न. -----------------------------  कुंभोज प्रतिनिधी  विनोद शिंगे ------------------------------  कुंभेश्वर विकास सेवा व भागिरथी महाडिक महिला सेवा सोसायटी या दोन्ही संस्‍थेची 27वी वार्षिक सभा उत्‍साहात झाली.अहवाल सालात संस्‍थेस 6 लाख आठ हजार रुपये नफा झाल्‍याची माहीती संस्‍थाध्‍यक्ष अशोक चौगुले यांनी दिली.यावळी सैस्था सभासदांना 6टके लाभाष जाहीर करण्यात आला .सचिव सुतार यांनी अहवाल वाचन केले.यावेळी संस्थेचे सचिव कै विजय कुंभार यांना श्रद्धांजली वाहिण्यात आली. संस्‍थेच्‍या सभागृहामागील खोलीचे बांधकाम करणे व ग्रामीण सेतु केंन्द उभा करनेस,तसेच सभासदांचा आरोग्य विमा उतरणेस सभासदांनी मंजूरी दिली. तसेच संस्थेचे सभासद एडवोकेट अमित साजनकर यांची छत्रपती राजाराम सहकारी साखर कारखान्याच्या संचालक पदी निवड झाल्याबद्दल त्यांचे सत्कार करण्यात आला, तसेच संस्थेचे सभासद निलेश शिंगे यांची पेटीएम कंपनीच्या सांगली जिल्हा मॅनेजर पदी निवड झाल्याबद्दल सत्कार करण्यात आला यावेळी उपाध्‍यक्ष विक्रम कुंभार यांनी स्‍वागत ...

  किसन वीर महाविद्यालयात राज्यस्तरीय कार्यशाळा संपन्न. --------------------------------------- वाई प्रतिनिधी  कमलेश ढेकाणे  ---------------------------------------  वाई, दि. २८ : येथील जनता शिक्षण संस्थेच्या किसन वीर महाविद्यालायात इंग्रजी आणि बी.सी.ए. विभाग, वाड्मय मंडळ, अंतर्गत गुणवत्ता हमी कक्ष आणि अखिल भारतीय इंग्रजी शिक्षक संघटना सातारा विभाग यांच्या संयुक्त विद्यमाने क्रिएटीव्ह रायटिंग या विषयावर राज्यस्तरीय कार्यशाळेचे आयोजन करण्यात आले. या कार्यशाळेस  बिजभाषक म्हणून कवी डॉ. दीपक बोरगावे आणि साधन व्यक्ती म्हणून कवी डॉ. रघुनाथ कडाकणे यांनी मार्गदर्शन केले.  कार्यक्रमप्रसंगी संस्थचे अध्यक्ष आदरणीय  मदनदादा भोसले, महाविद्यालयाचे प्राचार्य डॉ. गुरुनाथ फगरे, वाणिज्य शाखेचे उपप्राचार्य श्री. भीमराव पटकुरे, ‘अंतर्गत गुणवत्ता हमी कक्ष’ चे समन्वयक  डॉ. शिवाजी कांबळे यांची प्रमुख उपस्थिती होती. या कार्यशाळेत बिजभाषक म्हणून बोलताना दीपक बोरगावे म्हणाले की, ‘साहित्य निर्माण करणारा माणूस कवी हृदयाचा असावा लागतो’. साहित्याद्वारे योगदान देत असताना अनुभव, ...

  सातारकर पाहणार 'धर्मवीर २' चित्रपट मोफत , निलेश मोरे यांचा उपक्रम : पहिल्या दिवसाचे सर्व शो फुल्ल. ------------------------------- सातारा : प्रतिनिधी ------------------------------- प्रेक्षकांमध्ये प्रचंड उत्सुकता निर्माण करणारा 'धर्मवीर २' चित्रपट प्रदर्शित झाला असून सातारा शहरातील चित्रपट रसिकांसाठी एक मोठी आनंदाची बातमी आहे. रविवार दिनांक २९ सप्टेंबर रोजी सेव्हन स्टार चित्रपटगृह येथे दिवसभरातील सगळे शो 'धर्मवीर २' चित्रपट पूर्णपणे मोफत दाखवण्यात येणार आहे. हा सिनेमा शिवसेना सातारा शहरप्रमुख निलेश मोरे यांच्या प्रयत्नातून प्रायोजित करण्यात आला आहे. सदर शो साठी आ. महेश शिंदे व जिल्हा नियोजन समिती सदस्य संजय मोरे यांचे योगदान लाभले आहे. धर्मवीर आनंद दिघे साहेबांबद्दल लहान पणा पासूनच आदर वाटत आला आहे. त्यांचे हिंदुत्वनिष्ठ विचार, परखड बाणा आणि संघर्षमय जीवन शिवसैनिकांसाठी नेहमीच प्रेरणादाई राहिले आहे. त्यांच्या कार्याचं ऋण फेडण्याचा आणि नव्य पिढीला त्यांच्या जीवनाची ओळख करून देण्याचा एक छोटासा प्रयत्न आहे. हा उपक्रम मुख्यमंत्री एकनाथ शिंदे साहेब यांच्या मार्गदर...

  अमरावती जिल्ह्यातील अचलपूर शहरात तगडा पोलीस बंदोबस्त. अचलपूरच्या टीएमसी यार्डवर आ. नितेश राणे ची आज जाहीर सभा. ------------------------------------------ अमरावती जिल्हा प्रतिनिधी  पी.एन देशमुख. ------------------------------------------ अमरावती. (अचलपूर) अचलपूर परतवाडा शहरात हिंदू जल आक्रोश मोर्चा, बाईक रॅली व भाजप आमदार नितेश राणे यांच्या सभेचे अचलपूर कृषी उत्पन्न बाजार समितीतील टीएमसी यार्डवर रविवार दीड.२९ आयोजन केले राणे यांनी अहमदनगर येथे केलेल्या भाषणामुळे जुळ्या शहरात जातीय तेढ निर्माण होऊन कायदा व सुव्यवस्था विस्कळीत होऊ नये यासाठी अमरावती जिल्ह्यातील अचलपूर व परतवाडा शहरात १२०० पेक्षा अधिक पोलिसांचा पाऊस पाटा तयार केला आहे. शहरातील एका संघटनेने आ. नितेश राणे यांच्या आगमनाला विरोध दर्शविला. तसेच जुळ्या शहरातील शांतता अबाधित राहावे म्हणून काही संघटना व एकापेक्षाच्या वतीने प्रशासनाला निवेदन देऊन जातीय तेढ निर्माण करणारे कार्यक्रम आयोजित करू नये, अशी मागणी केल्याने अचलपूर परतवाडा शहरासह ग्रामीण भागात कोणतीही अनुसूचित घटना घडवू नये म्हणून पोलीस अधीक्षकांनी पोलीस बंदोबस्त ...

रंकाळा तलावाच्या संवर्धन, सुशोभीकरणाचा मास्टर प्लॅन तयार; रु.४० कोटींचा निधी उपलब्ध करणार : राजेश क्षीरसागर. रंकाळा तलावातील म्युजिकल फाऊटेनसाठी रु.५ कोटींचा निधी. कोल्हापूर दि.२९ : कोल्हापूर शहराच्या वैभवात भर घालणारा ऐतिहासिक रंकाळा तलावाची गेल्या अनेक वर्षात दुरावस्था झाली होती. कोल्हापूर शहरास भेट देणारा प्रत्येक पर्यटक हा रंकाळा तलावास आवर्जून भेट देतो. त्यामुळे या ऐतिहासिक तलावाचे सुशोभिकरण आणि संवर्धन होण्यासाठी निधी मंजूर करण्यासाठी विशेष प्रयत्न केले जात आहेत. यास पुन्हा यश मिळाले असून, नगरविकास विभागाकडून रंकाळा तलाव येथे म्युजीकल फाउंटेन उभारण्यासाठी मुख्यमंत्री एकनाथ शिंदे यांच्या आदेशाने रु.५ कोटी निधीस मंजुरी देण्यात आली असल्याची माहिती राज्य नियोजन मंडळाचे कार्यकारी अध्यक्ष राजेश क्षीरसागर यांनी दिली आहे. ते पुढे म्हणाले कि, कोल्हापूर शहरास इ.स. काळापासून ऐतिहासिक वास्तूंचा वारसा लाभला आहे. श्री अंबाबाई मंदिरासह कोल्हापूर शहरातील ऐतिहासिक रंकाळा तलाव हे देशभरातील लाखो पर्यटकांना आकर्षित करणारे प्रेक्षणीय स्थळ आहे. या तलावाचा इ.स.८०० ते ९०० च्या कालावधीपासूनचा इतिहास पह...

  बिद्री गावच्या सरपंच पदी पूजा पाटील.  ---------------------------- बिद्री प्रतिनिधी विजय कांबळे   ----------------------------     बिद्री ता. कागल येथे आज सरपंच पदासाठी मंडल अधिकारी माधव व्हरकट यांच्या अध्यक्षतेखाली पूजा पाटील यांची सरपंच म्हणून निवड करण्यात आली.त्या माजी खासदार संजय मंडलिक गटाच्या आहेत. बिद्री ग्रामपंचायतीची निवडणूक २०२१ मध्ये झाली होती मंडलिक गट व हसन मुश्रीफ गटाने एकत्र येऊन ह्या निवडणूकीत बहुमत मिळविले होते.स्थानिक नेत्यांच्या पंचवार्षिक नियोजनानुसार सरपंच पदी पूजा पाटील यांची निवड करण्यात आली.यावेळी मावळते सरपंच पांडुरंग चौगले उपसरपंच आनंदा पाटील, अशोक पवार, सागर कांबळे, शोभा चौगले, शितल गायकवाड, सुशांत चौगले, शोभाताई पाटील, सुलोचना पाटील, उपस्थित होत्या.यावेळी ग्रामसेवक बी के कांबळे यांनी स्वागत केले तर विद्यमान सदस्य शहाजी गायकवाड यांनी आभार मानले

  महावितरण कर्मचाऱ्यांच्या अथक प्रयत्नाने ‘चिक्केवाडी’ पुन्हा उजळली. सहा वीज ग्राहकांना सेवा देण्यासाठी १० कि.मी. अंतरातील १५६ पोलची केली पाहणी. *कोल्हापूर, दि.२७ सप्टेंबर २०२४* : ‘चिक्केवाडी’ (ता. भुदरगड) येथील वीज पुरवठा पावसामुळे गेली काही दिवस बंद होता. घनदाट जंगलातील १० किलोमीटर मध्ये असलेल्या १५६ पोलची पाहणी करण्यात पाऊस व वारा यामुळे अनेक अडचणी येत होत्या. महावितरणच्या ११ जिगरबाज अधिकारी व कर्मचाऱ्यांनी सहा वीज ग्राहकांचा वीज पुरवठा दोन दिवस अथक मेहनत घेत पूर्ववत केला आहे. महावितरणच्या या कामाकरता ‘चिक्केवाडी’ ग्रामस्थांनी समाधान व्यक्त केले आहे.   महावितरणच्या गारगोटी उपविभाग अंतर्गत येणाऱ्या शाखा कार्यालय पाटगाव मधील ‘चिक्केवाडी’ या वाडीला ११ केव्ही ‘पाटगाव’ या उच्चदाब वाहिनीवरील ‘चिक्केवाडी’ या रोहित्रावरून विज पुरवठा होतो. ‘चिक्केवाडी’ला वीज पुरवठा करणारी ही वाहिनी तांबाळे ते भटवाडी व भटवाडी ते ‘चिकेवाडी’ अशी एकूण ३२ किलोमीटर अंतरावरून जाते. यापैकी  भटवाडी ते ‘चिकेवाडी’ या १० कि.मी. अंतरात एकूण १५६ विद्युत पोल आहेत. वीज पुरवठा सुरळीत करण्याकरता १० किलोमी...

 गारगोटी ग्रामपंचायतीमार्फत काविळ आजार प्रतिबंधक उपाययोजना युद्धपातळीवर.  ------------------------------------  गारगोटी प्रतिनिधी   स्वरुपा खतकर  ------------------------------------  गारगोटी शहरात आज कावीळ रोगाचा प्रादुर्भाव  आटोक्यात आणण्यासाठी गारगोटी शहरांमध्ये ग्रामपंचायत मार्फत वाड क्र पाच व सहा मध्ये मेडिक्लोरिन बॉटल वाटप करताना लोकनियुक्त सरपंच प्रकाश वास्कर,उपसरपंच सागर  शिदे, सदस्य प्रशात भोई,भरत शेटके,मंजुषा माळी राहुल चौगले सदिप देसाई,सजय गुरव,दसरत राऊत,पाडुरंंग सोरटे अक्षय माळी ग्रामसेवक संभाजी पाटील,अरुण गायकवाड,मुकुंद शिदे,बापु पाटील,रत्नाकर पाटील, ओमकार कौलवकर,सुरेेश देसाई सागर पाटील,प्रकाश इदुलकर,शैेलेेश सांवत युुवराज मुगडे,ऊमेश कुराडे,गणेश खेगडे,निलेेश खोराटे,निर्मला कांबळे,वर्षा इंगळे यांच्यासह विभागीय आधिकारी,आशा सेविका ग्रामपंचायतीचे सर्व कर्मचारी उपस्थित होते

  राधानगरी विधानसभा मतदारसंघातील शिवसेनेचे इच्छुक उमेदवार व पदाधिकारी मातोश्रीवर दाखल. ------------------------------------ गारगोटी प्रतिनिधी  स्वरुपा खतकर ------------------------------------   शिवसेनेच्या निष्ठावंतलाच उमेदवारी मिळावी हा मतदारसंघ गेले अनेक वर्ष पारंपरिक शिवसेनेचा आहे ह्याच मतदारसंघांमध्ये बंडखोरी झालेली असून बंडखोर यांच्या विरोधात शिवसेनिक असायला हवाअशी लढाई होणे अपेक्षित असल्याचे मत पक्षप्रमुख उद्धवजी ठाकरे यांना पदाधिकाऱ्यांनी सांगितले. आज रोजी मातोश्री कडे अनेक जण इच्छुक म्हणून येत आहेत पण त्यासाठी शिवसैनिकांच मत आजमावून घेण्यासाठी वरिष्ठ नेत्यांनी मातोश्री बोलावल्याचं काही पदाधिकारी यानि सांगितले शिवसैनिक हा निष्ठावंत असतो त्याला काही मिळो न मिळो पक्षाशी इमानदार असतो पण शिवसेनेला गेले अडीच वर्षांपूर्वी पक्ष फुटी नंतर पोहोचलेली झळ यामुळे शिवसेना सावध पवित्रा घेईल अशी परिस्थिती सध्या दिसते  आहे महाविकास आघाडीला लोकसभेचे उमेदवार श्रीमंत छत्रपती शाहू महाराज यांच्या प्रचारामध्ये शिवसेना अग्रेसर होती त्यामुळे पक्षप्रमुख उद्धवजी ठाकरे या ठिकाणी नि...

  तंबाखूजन्य पदार्थांची अवैध विक्री करणाऱ्यांवर कारवाई करा -निवासी उपजिल्हाधिकारी संजय तेली. कोल्हापूर, दि. 27 (प्रतिनिधी): तंबाखूजन्य पदार्थांच्या सेवनामुळे कॅन्सर सारख्या गंभीर आजारांना सामोरे जावे लागते. यासाठी जिल्ह्यात तंबाखूजन्य पदार्थांची अवैध विक्री करणाऱ्यांवर कारवाई करा, अशा सूचना निवासी उपजिल्हाधिकारी संजय तेली यांनी केल्या.       जिल्हास्तरीय तंबाखू नियंत्रण समिती व सनियंत्रण समितीची बैठक श्री. तेली यांच्या अध्यक्षतेखाली जिल्हाधिकारी कार्यालयात घेण्यात आली. यावेळी अन्न व औषध प्रशासन विभागाचे सहाय्यक आयुक्त तुषार शिंगाडे, पोलीस उपनिरीक्षक जालिंदर जाधव, राष्ट्रीय तंबाखू नियंत्रण कार्यक्रमाचे जिल्हा सल्लागार डॉ. निलेश पाटील, समुपदेशक चारुशीला कणसे, सामाजिक कार्यकर्त्या क्रांती शिंदे, कार्यक्रम सहायक प्रियांका लिंगडे आदी उपस्थित होते. श्री तेली म्हणाले, नागरिकांचे आरोग्य चांगले राखण्यासाठी तंबाखूजन्य पदार्थांचे सेवन न करण्याबाबत व्यापक जनजागृती करा. तसेच जिल्हा स्तरावर सिगारेट व अन्य तंबाखूजन्य पदार्थ नियंत्रण कायद्याची प्रभावी अंमलबजावणी करा, अशा सूचना ...

  गांधीनगर उपजिल्हा रुग्णालयाचे डॉ. दिलीप वाडकर अधीक्षक.  गांधीनगर वसाहत उपजिल्हा शासकीय रुग्णालयाच्या अधीक्षकपदी डॉ. दिलीप वाडकर यांची नियुक्ती झाली. डॉ. विद्या पॉल या सेवानिवृत्त झाल्यानंतर हे पद रिक्त होते.  आरोग्य उपसंचालक डॉ. दिलीप माने यांच्याकडे हे पद ताबडतोब भरावे, अशी मागणी अमोल एकळ फाउंडेशनचे संस्थापक अध्यक्ष अमोल एकळ यांनी केली होती. डॉ. दिलीप वाडकर नाक कान घसा तज्ञ आहेत. त्यांनी यापूर्वी सेवा रुग्णालय कसबा बावडा, आय जी एम रुग्णालय इचलकरंजी व गांधीनगर वसाहत रुग्णालयमध्येही सेवा बजावली आहे. ....फोटो.... डॉ. दिलीप वाडकर.

  नागाव नंदिवाले समाजाचे ज्येष्ठ नेते विलास संतू चव्हाण यांचे दुःख निधन . ---------------------------------- फ्रंटलाईन न्युज महाराष्ट्र  शिरोली प्रतिनिधी अमित खांडेकर  -----------------------------------  नागाव येथील नंदिवाले समाजाचे ज्येष्ठ नेते  विलास  संतू चव्हाण यांचे वयाच्या 68 व्या वर्षी अल्पशा आजाराने दुःखद निधन झाले  समाजातील  एकोपा जपत समाजाच्या प्रगतीसाठी नेहमी प्रयत्नशील राहत त्यांनी गावातील विविध संस्थेत  काम करत असताना आपल्या कामाचा ठसा उमटवला होता -  सौ विमल विलास चव्हाण  त्यांच्या पत्नी विद्यमान ग्रामपंचायत सदस्या होत .. त्यांच्या पश्चात  दोन मुली एक मुलगा नातवंडे असा मोठा परिवार आहे

 ‘ मुख्यमंत्री योजनादूत’; अर्ज करण्यास ३० सप्टेंबर पर्यंत मुदतवाढ.          मुंबई, दि. २७  : शासनाच्या विविध योजनांची सर्वसामान्य नागरिकांना माहिती देण्यासाठी  मुख्यमंत्री योजनादूत उपक्रम सुरु करण्यात आला आहे. या योजनेला मिळणारा प्रतिसाद पाहता मुदतवाढ देण्यात आली असून आता इच्छुक उमेदवारांना ३० सप्टेंबर २०२४ पर्यंत नोंदणी अर्ज करता येणार आहे. इच्छुक उमेदवारांनी www.mahayojanadoot.org या संकेतस्थळावर अर्ज करावा, असे आवाहन माहिती व जनसंपर्क महासंचालनालयामार्फत करण्यात आले आहे. मुख्यमंत्री योजनादूत उपक्रमासाठी केलेला ऑनलाईन अर्ज, आधार कार्ड, पदवी उत्तीर्ण असल्याबाबतची पुराव्यादाखल कागदपत्रे / प्रमाणपत्र इ., अधिवासाचा दाखला. (सक्षम यंत्रणेने दिलेला), उमेदवाराकडे आधार जोडणी असलेल्या बँक खात्याचा पुरावा, पासपोर्ट आकाराचा फोटो, हमीपत्र (ऑनलाईन अर्जासोबतच्या नमुन्यामधील) नियुक्तीवेळी सादर करणे आवश्यक आहे. दि. ३० सप्टेंबर २०२४ पर्यंत इच्छुक उमेदवारांना www.mahayojanadoot.org या संकेतस्थळावर नोंदणी करता येईल. योजनादूत पोर्टलवर ज्या उमेदवारांनी नोंदणी केली आह...

  माहिती तंत्रज्ञानाच्या उत्कृष्ट वापरासाठी महावितरणला राष्ट्रीय पुरस्कार. माहिती तंत्रज्ञानाच्या आधारे  वीज ग्राहकांना सर्वोत्तम सेवा देणे आणि दर्जेदार ग्राहक सेवेसाठी प्रभावी धोरणात्मक उपक्रम राबविल्याबद्दल महावितरणला द गव्हर्नन्स नाऊ या संस्थेतर्फे दोन प्रवर्गात राष्ट्रीय स्तरावरील पुरस्कार प्रदान करण्यात आले. दि.२६ सप्टेंबर २०२४ रोजी हॉटेल हॉलिडे इन, एरोसिटी, नवी दिल्ली येथे हा पुरस्कार वितरण सोहळा संपन्न झाला. उपमुख्यमंत्री तथा ऊर्जामंत्री ना.श्री. देवेंद्र फडणवीस यांनी महावितरणच्या कामकाजात आधुनिक माहिती तंत्रज्ञानाचा जास्तीत जास्त वापर करून ग्राहकांना पारदर्शक व गतिमान सेवा देण्याचे निर्देश दिले आहेत. त्यानुसार महावितरणकडून माहिती तंत्रज्ञानाच्या आधारे विविध उपक्रम राबविण्यात येत आहेत. या अंतर्गत ग्राहक सेवेत अधिक सुलभता आणणाऱ्या ऊर्जा चॅटबॉट व ईव्ही मोबाईल ॲपसाठी महावितरणला हे पुरस्कार प्राप्त झाले आहेत. महावितरणचे ऊर्जा चॅटबॉट २४ तास  ग्राहकांच्या सेवेत आहे. ज्यामुळे वापरकर्त्यांना नवीन जोडणी अर्ज, तक्रार नोंदणी करणे, वीजबिल भरणे इ. सेवा सुलभपणे उपलब्ध झालेल्या आ...

  प्रहार त्या प्रश्नावर उपमुख्यमंत्री अजित पवार यांचे प्रतीप्रश्न, प्रहार वर सडेतोड प्रतिउत्तर, आम्ही काय खुरपायला जायच ? -----------------------------------------  अमरावती जिल्हा प्रतिनिधी. पी.एन.देशमुख. ----------------------------------------- अमरावती. दिव्यांग बांधवांच्या विविध प्रश्नावर जनशक्ती पक्षाच्या पदाधिकाऱ्यांनी जिल्हाधिकारी कार्यालयात उपमुख्यमंत्री अजित पवार यांची वाट अडवत मागण्याचे निवेदन दिले. निवेदन देऊन त्यांना राजकीय आरक्षण द्या, अशी मागणी देखील करण्यात आली होती. यावर तुम्हाला आरक्षण देऊन आम्ही काय खुरपायला जायचे काय असे प्रति प्रश्न अजित पवारांनी आंदोलकांना केला. त्यांच्या या उत्तरावर प्रहारच्या पदाधिकाऱ्यांनी तीव्र नाराजी व्यक्त केली आहे. विविध विकास कामाच्या भूमिपूजन व उद्घाटन कार्यक्रमासाठी ते अमरावतीत आले होते. प्रहार संघटनेने दिवंगाच्या प्रश्नासंदर्भात मागण्याचे निवेदन त्यांना अजित पवार यांनी दिवंग्याच्या सर्व प्रश्न संदर्भात संबंधित अधिकाऱ्यांशी चर्चा करत तात्काळ योग्य ते निर्णय घेण्याचे निर्देश दिले जनतेचा जर तुम्हाला पाठिंबा असेल   तर, तुम्...

  माजी खासदार संजय काका पाटील यांची घरात घुसून माजी उपनगराध्यक्ष अय्याज मुल्ला यांना बेदम मारहाण. मुल्ला यांच्या 76 वर्षीय आईलाही ढकलून दिले. ------------------------------------ मिरज तालुका प्रतिनिधी  राजू कदम  ------------------------------------- कवठेमहांकाळ येथील राष्ट्रवादीचे नेते माजी उपनगराध्यक्ष अय्याज मुल्ला यांना माजी खासदार संजय काका पाटील व त्यांच्या समर्थकांनी घरात घुसून मारहाण केली. यावेळी खासदार व त्यांच्या समर्थकांनी मुल्ला यांच्या घरातील इतर महिला व मुलांनाही मारहाण केली. यावेळी मुलांना वाचवायला आलेल्या त्यांच्या 76 वर्षीय आईला ही स्वतः खासदारांनी ढकलून दिले.  ही घटना आज सकाळी साडेसातच्या दरम्यान घडली.  सकाळी साडेसातच्या सुमारास अय्याज मुल्ला हे फेरफटका मारून घरासमोर बसले होते. यावेळी संजय काका पाटील यांचे पीए खंडू होवळे हे मुल्ला यांच्या घरी आले. व संजय काका भेटायला येणार असल्याचे सांगितले. यावेळी मुल्ला यांनी घरी चहा करायला सांगितला तोपर्यंत दारात दोन-तीन गाडी येऊन थांबल्या गाड्या मधून माझे खासदार संजय काका पाटील यांच्यासह दहा-पंधरा जण उतरले. ...

वाघापुरात एकाच कुटुंबातील तीन सख्ख्या भावंडांनी वडिलांचे स्वप्न केले साकार. ------------------------------------    गारगोटी प्रतिनिधी  स्वरुपा खतकर  ------------------------------------          पिढ्यानं पिढ्या जन्मताच मेंढरं राखत , नशिबाला आलेल्या परिस्थितीला तोंड देत वाघापूर येथील विठू डोणे आणि सोनाबाई डोणे या कुटूंबाने अनेक वर्ष मेंढरांची राखण करीत आपल्या कुटूंबाचा उदरनिर्वाह केला होता.            आपल्या दाजी, कवी आणि बाळू या तीन पोरबालांच्या नशिबी हे भटकंती येऊ नये म्हणून त्यांनी आपल्या तीन लेकरांना शिक्षणाचे धडे दिले.             त्या तीन मुलापैकी बळवंत डोणे. वाघापूर यांच्या तीन मुलांनी स्पर्धा परीक्षेत यश मिळवून उत्तम कामगिरी करीत वडिलांचे स्वप्न साकार केले.             यामध्ये मुलगी धनलक्ष्मी हिने  बी.ई. सिव्हिल शिक्षण घेवून  जि. प. मार्फत घेण्यात आलेल्या स्पर्धा परिक्षेद्वारे पं. स. राधानगरीच्या बांधकाम विभागात स्थापत्य अभियांत्रिकी सहा...

  सांगली: वार्ड क्रमांक 18 मधील कृष्णा कॉलनीत मिश्रित पाण्याचा पुरवठा.  ------------------------------------- मिरज तालुका प्रतिनिधी  राजू कदम  ------------------------------------- कृष्णा कॉलनी आळ्या मिश्रित पाण्याचा पुरवठा पाणीपुरवठा विभागाचे दुर्लक्ष लवकरात लवकर समस्या दूर न झाल्यास हे पाणी अधिकाऱ्यांना पाजू लोकहित मंचा अध्यक्ष मनोज भिसे यांच्यासह स्थानिक नागरिकांचा इशारा. सांगली मिरज आणि कुपवाड शहर महानगरपालिका क्षेत्रातील वार्ड क्रमांक 18 मधील आकाशवाणीच्या पाठीमागील बाजूस असणाऱ्या सुभाष नगर मधील कृष्णा कॉलनी मध्ये गेल्या पंधरा ते वीस दिवसापासून आळ्या मिश्रित पाण्याचा पुरवठा होत असल्याने इथल्या स्थानिक नागरिकांचे आरोग्य धोक्यात आले आहे.  सदर दूषित पाणीपुरवठा होत असल्याचे इथल्या नागरिकांनी निदर्शनास आणून दिल्यानंतर पाणीपुरवठा विभागातील कर्मचाऱ्यांनी सदर पाण्याची चाचणी करून पाणी दूषित असल्याचे सांगितले आहे परंतु त्यानंतर यावर कोणतेही ठोस उपाययोजना झालेली नसल्याने स्थानिक नागरिक आक्रमक झाले आहेत.  त्यांनी आपली व्यथा लोकहित मंचाचे अध्यक्ष मनोज भिसे यांच्याकड...

  जिल्हयातील १० हजार महिलांनी अनुभवला एक चैतन्यदायी दिवस, भागीरथीच्या झिम्मा फुगडी स्पर्धेत सात वर्षाच्या मुलीपासून ७० वर्षाच्या वृध्देपर्यंतच्या महिलांचा उत्स्फूर्त सहभाग. लोककला आणि लोकपरंपरा जतन करण्यासाठी, भारतीय जनता पार्टी आणि भागीरथी महिला संस्था यांच्यावतीने खासदार महोत्सव अंतर्गत, झिम्मा फुगडी स्पर्धा आयोजित केली होती. त्यातून चुल-मुल रहाटगाडग्यात अडकलेल्या महिलांना मानाचे व्यासपीठ मिळाले. जिल्हयातील सुमारे १० हजार महिलांनी, भागीरथी संस्थेच्या झिम्मा फुगडी स्पर्धेत सहभाग दर्शवला. त्यातून आजचा दिवस या महिलांसाठी निखळ आनंदाचा आणि कलागुणांना वाव देणारा ठरला.     धनंजय महाडिक युवाशक्ती प्रेरित भागीरथी महिला संस्थेच्या माध्यमातून, गेल्या १४ वर्षापासून महिलांच्या सक्षमीकरणासाठी विविध उपक्रम राबवले जातात. शिवाय महिलांनी उत्पादित केलेल्या वस्तूंना बाजारपेठ उपलब्ध करून दिली जाते. या महिलांना पारंपारिक लोककला, लोकगीते, लोकनृत्याची आवड निर्माण व्हावी आणि महाराष्ट्राच्या पारंपारिक लोककलेचा ठेवा पुढच्या पिढीपर्यंत जावा, या उद्देशानं दरवर्षी झिम्मा फुगडी स्पर्धेचे आयोजन क...

इंगळीत कालपासून पूरग्रस्तांचे आमरण उपोषण. ------------------------------   कुंभोज प्रतिनिधी  विनोद शिंगे ------------------------------    इंगळी येथील 2024 साली झालेल्या महापुरामुळे अनेकांची घरे, गोठा, व्यवसायिक दुकाने या सह आधिभागात  पुराचे पाणी शिरल्याने ग्रामपंचायतीच्या वतीने पुरग्रस्तांना स्थलांतरित करण्याच्या सूचना दिल्या असता शासनाच्या नियमानुसार पूरग्रस्तांनी स्थलांतर केले होते    मुख्यमंत्री महोदयांनी जे पूरग्रस्त आहेत त्यांना दहा हजार अनुदान जाहीर केले असता इंगळी मधील एकूण 338 पूरग्रस्तांचे पंचनामे तलाठी ग्रामसेवक व ग्रामपंचायत मधील क्लार्क यांनी पंचनामा झाल्यानंतर त्या पुरग्रस्त पंचनामा यादीतील काही मोजक्याच पूरग्रस्तांना अनुदान मिळवून देण्यासाठी ग्रामसेवक ,तलाठी, व क्लार्क यांनी यादीची अफरातफर करत व बड्या नेत्यांना हाताशी धरून जे खरोखरच पूरग्रस्त आहेत तसेच अजुन 25 ते 30 पूरग्रस्तांचे पंचनामे झाले नाहीत अशानाही सानुग्रह अनुदानापासून वंचित ठेवून बाकीच्यांना अनुदान देण्यासाठी प्रयत्न केला असून त्यासाठी दाह दिवसांपूर्वी  पुरग्रस्त बांध...

 पश्चिम महाराष्ट्रात ४१६ कोटींच्या वीजबिलांची थकबाकी; वीजबिल भरा सहकार्य करा- महावितरण वीजबिल भरणा केंद्र सुटीच्या दिवशी सुरू राहणार. पुणे/कोल्हापूर/सांगली, दि. २६ सप्टेंबर २०२४:* विजेचा वापर केल्यानंतरही बिलांचा मासिक भरणा नियमित होत नसल्याने पश्चिम महाराष्ट्रामध्ये प्रामुख्याने घरगुती, व्यावसायिक व औद्योगिक वर्गवारीतील १९ लाख १९ हजार २३१ ग्राहकांकडे ४१६ कोटी ८२ लाख रुपयांची थकबाकी झाली आहे. थकबाकीदार वीजग्राहकांनी थकीत बिलांचा त्वरित भरणा करावा व वीजपुरवठा खंडित करण्याची कटू कारवाई टाळावी असे आवाहन महावितरणकडून करण्यात आले आहे. दरम्यान, वीजग्राहकांना चालू व थकीत वीजबिलांचा भरणा करणे सोयीचे व्हावे यासाठी पुणे, सातारा, सोलापूर, सांगली व कोल्हापूर जिल्ह्यातील महावितरणचे सर्व अधिकृत वीजबिल भरणा केंद्र शनिवारी (दि. २८) व रविवारी (दि. २९) कार्यालयीन वेळेत सुरू राहणार आहेत. पुणे प्रादेशिक विभाग अंतर्गत घरगुती १७ लाख २८७ ग्राहकांकडे २९४ कोटी १६ लाख, व्यावसायिक १ लाख ९३ हजार ७६७ ग्राहकांकडे ८८ कोटी २९ लाख आणि औद्योगिक २५ हजार १७७ ग्राहकांकडे ३४ कोटी ३६ लाख रुपयांच्या वीजबिलांची थकबाकी आहे...

  मध्यवर्ती बस स्थानकावर एकाचा गळा आवळून खून .कोल्हापूर मधील घटना. कोल्हापूर : कोल्हापूर शहरात गुन्ह्यात वाढ होत असताना मध्यवर्ती बसस्थानकातील एका दुकानाच्या पायरीवर गळा आवळून तरुणाचा खून केल्याचा प्रकार गुरुवारी (दि. २६) सकाळी उघडकीस आला. संदीप रामगोंडा शिरगावे (वय ३५, रा. चिंचवाड, ता. शिरोळ) अस मयताचे नाव असून या घटनेची नोंद सीपीआर पोलिस चौकीत झाली आहे. संशयितांच्या शोध घेण्यासाठी शाहूपुरी पोलिसांची  पथके रवाना झाली होती त्या पथकांनी दोन संशयित ताब्यात घेतले असल्याची माहिती समोर येत आहे .  पोलिसांनी दिलेल्या माहितीनुसार, गुरुवारी सकाळी मध्यवर्ती बसस्थानक परिसरातील एसटी प्रोव्हिजन स्टोअरच्या पायरीवर एक तरुण बेशुद्ध अवस्थेत पडल्याची माहिती एसटीच्या अधिका-यांकडून शाहुपुरी पोलीसांना मिळाली. पोलिसांनी घटनास्थळी जाऊन पाहणी केली असता, तो मृत झाल्याचे लक्षात आले. जवळचं त्याची बॅग होती. गळ्यावर दोरीचे व्रण दिसत असल्याने गळा आवळून त्याचा खून केला असल्याचा  प्राथमिक अंदाज पोलिसांनी वर्तविला आहे. त्याच्याकडील सापडलेल्या डायरीत असलेल्या नावावरून पोलिसांनी त्याची ओळख पटली असून. ...

  वडूज पोलीस स्टेशन तालुका खटाव येथील पोलिसांनी दिशाभूल करणारा खुनाचा  गुन्हा अखेर उघड केलाच. ------------------------------------- सातारा जिल्हा प्रतिनिधी अमर  इंदलकर  ------------------------------------ -दि.१६/०६/२४ रोजी वडूज पोलीस ठाणे हददीत मौजे कणसेवाडी गावचे हद्दीत डोंगाराचे जवळ पिंपरनीच्या झाडाला विजय महादेव डोईफोडे रा.कणसेवाडी हा गळफास घेतल्याबाबत वडूज पोलीस ठाणेस समजले मयत  असल्याने त्या ठिकाणी पोलीसांनी जावून प्रेताचा पंचनामा केला त्यावेळी मयत विजय डोईफोडे याचे डोक्यास मार व छातीवर ओरखडलेचे दिसुन आले व मानेवर गर्द व्रण दिसला असा पंचनामा करुन ग्रामीण रुगणालयात पोस्टमार्टम केले त्यानंतर मयताचे चप्पल व मोबाईल सोबत नसल्याबाबत लक्षात आल्याने त्याचा शोध घेतला असता कातरखटाव एनकूळ माळावरती मयताचे चप्पला मिळून आल्या त्या ठिकाणी टॅक्टर टायर मार्क मिळून आल्याने पो. हवा. शिवाजी खाडे व पो.कॉ. गणेश शिरकुळे यांना संशय आल्याने त्यांनी मोबाईलचे तांत्रिक माहिती वरुन तसेच डोंगर परिसरात फिरुन पाहणी केली असता मयत घडले ठिकाणापासून पश्चिमेस १ कि.मी. अंतरावरती निर्जन ठिकानी ...

  पोलीस रेकॉर्डवरील दोघां चोरट्यांकडून पाण्याची पितळी 39 मीटर व इतर साहित्य असा एकूण 1,08,000/- रुपये किंमतीचा मुद्देमाल जप्त. --------------------------- कोल्हापूर जिल्हा प्रतिनिधी शशिकांत कुंभार  --------------------------- स्थानिक गुन्हे अन्वेषण शाखा, कोल्हापूर यांची कारवाई. सध्या कोल्हापूरमध्ये पितळी पाण्याची मिटर चोरीच्या घटना समोर येत होत्या त्या मिटर चोरीच्या तपासासाठी स्थानिक गून्हे अन्वेषण शाखेच्या वतीने तपास सुरू असताना पोलीस उपनिरीक्षक जालीदर जाधव,सुरेश पाटील,राम कोळी , राजेंद्र वरंडेकर यांच्या पथकास गोपनीय बातमी दारा मार्फत अशी माहिती मिळाली की, कोल्हापूर शहर परीसरातील चोरलेली पाण्याची मिटर विकण्यासाठी चोरटे कबनूर ओढ्यात येणार आहेत अशी माहिती मिळाली त्याप्रमाणे स्थानिक गून्हे अन्वेषण विभागाने सापळा रचला असता त्या ठिकाणी प्रदीप मस्के व व 24 रा भगतसिंग गल्ली तारदाळ हा पाण्याच्या पितळी दहा मिटर सह आढळून आला त्याच्या कडे आधीक चौकशी केली असता त्याने पाण्याची पितळी मिटर  बाळू आनंदराव गोसावी, रा. खोतवाडी तारदाळ, ता. हातकणंगले यास विकल्याचे सांगितले म्हणून स्थानिक गून...

  सांगली विधानसभा निवडणूक लढवण्याबाबत प्राथमिक चर्चेत एक मत. ----------------------------------- मिरज तालुका प्रतिनिधी  राजू कदम  ----------------------------------- शासकीय गेस्ट हाऊस सांगली येथील सांगली विधानसभा मतदारसंघातील काही ठराविक सामाजिक व राजकीय पक्षांच्या पदाधिकाऱ्यांची मीटिंग संपन्न झाली.  सदर मीटिंगमध्ये गेल्या कित्येक वर्षापासून सांगली विधानसभा मतदारसंघाचा राज्यातील इतर विधानसभा मतदारसंघाच्या तुलनेत विकास कामाच्या बाबत व अन्य कामाच्या बाबत मागासलेला दिसत आहेत. वेगवेगळ्या माध्यमातून आक्रमक नेतृत्व असेल सर्वव्यापी बहुआयामी नेतृत्व असेल याची उणीव कायम आपल्या मतदारसंघाला भासत आहे.  सध्या निवडणुकीच्या तोंडावर वेगवेगळ्या प्रश्नाला वाचा फोडण्याचा प्रयत्न प्रत्येक इच्छुक उमेदवार करताना दिसत आहेत.  मात्र हेच इच्छुक उमेदवार इतर वेळेला आपापल्या कामात   असतात ते रस्त्यावरच्या लढाईला व आक्रमकपणाने  पुढे यायला तयार नसतात कारण त्यांना कोणाचा वाईटपणा घ्यायचा नसतो असो हा त्यांचा त्यांचा वैयक्तिक विषय आहे.  मात्र आपण चळवळतील कार्यकर्ते पक्ष ब...

कोल्हापूर ते अहमदाबाद गुजरात या मार्गावर २७ ऑक्टोबरपासून थेट विमानसेवा, खासदार धनंजय महाडिक यांच्या पाठपुराव्याला यश. कोल्हापूर आणि गुजरातचे व्यापारी संबंध आहेत. कोल्हापूरच्या अनेक वस्तू गुजरातमध्ये मोठ्याप्रमाणात विक्री होतात. त्यामुळे कोल्हापूरहून अहमदाबादला नियमितपणे ये-जा करणार्‍या ग्राहकांची संख्या लक्षणीय आहे. त्यासाठी कोल्हापूरहून अहमदाबादला थेट विमान सेवा सुरू करण्याची मागणी होत होती. खासदार धनंजय महाडिक यांनी, याबाबत सातत्याने पाठपुरावा केला होता. त्याला यश आले आहे. २७ ऑक्टोबर पासून कोल्हापूर- अहमदाबाद गुजरात नियमित विमानसेवा सुरू होणार आहे. सोमवार, गुरूवार, शुक्रवार आणि शनिवार या दिवशी ही सेवा सुरू राहणार असल्याची माहिती खासदार महाडिक यांनी दिली. कोल्हापूरच्या विमानसेवेचा आता गतीने विस्तार होत आहे. कोल्हापूरहून तिरूपती विमान सेवा सुरू झाली आहे. त्यानंतर नागपूर आणि गोवा तसेच दिल्ली मार्गावर थेट विमानसेवा सुरू होण्याची प्रक्रिया अंतिम टप्प्यात आली आहे. आता प्रदिर्घ काळापासून प्रलंबित असलेली कोल्हापूरकरांची आणखी एक मागणी आता पूर्ण होणार आहे. २७ ऑक्टोबरपासून कोल्हापूर ते अहमदाबाद...

  शस्त्र युद्ध योग अभ्यासाने सर्व रोगा विरुद्ध लढता येते डॉ. प्रशांत कटकोळ. ---------------------------------------- मिरज तालुका  प्रतिनिधी  राजू कदम  ---------------------------------------- मिरज: शास्त्रशुद्ध योगाच्या अभ्यासाने सर्व प्रकाराचे रोग बरे होऊ शकतात. सर्व प्रकाराच्या रोगाव विरुद्ध प्रतिकारशक्ती निर्माण होऊ शकते व आरोग्यदायी समाधानी असे जीवन जगता येते असे मत न्यूरोसर्जन डॉ. प्रशांत कटकोळ यांनी व्यक्त केले. ते मिरज येथे इंडियन मेडिकल असोसिएशनच्या सभागृहात संपन्न झालेल्या इनरव्हील क्लब ऑफ मिरज आणि रोटरी क्लब ऑफ मिरज यांनी आयोजित केलेल्या योगाचे महत्व या विषयावर बोलत होते.  यावेळी आर एम आय स्कूलचे शिक्षक अशोक मिसाळ यांचा डॉक्टर प्रशांत कटकळ यांच्या हस्ते सत्कार करण्यात आला.  यावेळी इन व्हील क्लब ऑफ मिरज च्या अध्यक्ष डॉ. पूजा भोमाज, सेक्रेटरी सौ माधुरी जोशी, तसेच रोटरी क्लब ऑफ मिरजचे अध्यक्ष प्रा. डॉ. रवींद्र फडके, सेक्रेटरी डॉ. रियाज उमर मुजावर, युथ सर्विस डायरेक्टर मुख्याध्यापक राजेंद्र नागरगोजे व असिस्टंट गव्हर्नर कंपनी सेक्रेटरी अभय गुळवनी उपस्थ...

  सांगलीतील शामराव नगर चौक म्हसोबा मंदिर समोर गटर नागरिकांसाठी बनली धोकादायक.  ---------------------------------- मिरज तालुका प्रतिनिधी  राजू कदम ---------------------------------- सांगलीतील शामराव नगर मार्गावरील म्हसोबा मंदिर समोर काही दिवसापूर्वी देण्याची पाईप बसविली होती त्यानंतर ड्रेनेज विभागाने भले मोठे गटर असे अर्धवट उघड्यावर सोडून नागरिकांसाठी धोका निर्माण केलाय. सदर गटारी भोवती कोणता दिग्दर्शक फलक लावला नाही. गटारीवरील झाकण सुद्धा बसवले नाही. उद्या जर मोठी घटना घडली तर त्याला जबाबदार महानगरपालिकेचा ड्रेनेज विभाग असेल अनेक ते अधिकारीच असतील.  नागरिकांचा या धोकादायक गटारीमध्ये बळी गेल्यावर महानगरपालिका ड्रेनेज विभाग जागा होणार का?  असा आमचा लोकहित मंच सवाल करत आहे.  असे उघड्यावर गटारी वरती झाकण न बसवण्याचे कारण काय?  सदर मार्गावरती मोठ्या प्रमाणात नागरिकांची आणि वाहनांची एजा असते. तरी याची काळजी महानगरपालिकेने का घेतली नाही ? असे उघड्यावरती गटारीला  झाकण का बसवले नाही . सदर गटारे वरती लवकरात लवकर झाकण बसवावे अन्यथा लोकहित मंच सांगलीच्या वतीन...

  राधानगरी वन परिक्षेत्रामध्ये साळींदर ची शिकार..संशयित आरोपीस तीन दिवसाची वन कोठडी. ------------------------------- राधानगरी प्रतिनिधी  विजय बकरे ------------------------------- गारगोटी वनपरिक्षेत्रामध्ये घोरपड शिकार केली.असल्याची माहिती मिळाल्यामुळे संशयित आरोपी सनी विश्वास राऊळ. वय २४ रा. निष्णप, ता. भुदरगड यांच्याकडे माहिती घेतली असता. सनी राऊळ याच्या मोबाईल मध्ये  साळींदर या वन्य प्राण्याचे शिकार केलेला फोटो आढळून आला.  त्याबाबत आधिक चौकशी केली असता. त्याने दिनांक 13 सप्टेंबर रोजी मौजे सुंळबी, ता. राधानगरी, परिसरात साळींदरची शिकार केल्याचे कबूल केले. त्या अनुषंगाने, राधानगरी वनपरिक्षेत्रातील वनरक्षक सरवडे यांनी त्याचेकडील वन्यजीव (संरक्षण) अधिनियम अन्वये गुन्हा नोंद केला असून, सदरच्या आरोपीस ताब्यात घेऊन प्रथमवर्ग न्यायदंडाधिकारी राधानगरी यांचे समोर हजर केले असता. त्याला २७ सप्टेंबर२०२४ पर्यंत वनकोठडी सुनावली आहे. याबाबतचा अधिक तपास केला असता, आरोपीने दिलेल्या माहितीनुसार प्रदिप कृष्णा राऊळ वय ३३ वर्ष, रा. निष्णप,  सचिन कृष्णा राऊळ वय ४० वर्ष, रा. निष्णप,गण...

  आदिवासी युवक क्रांती दलाची जिल्हा कचेरीवर निदर्शने: धनगर समाजाला आरक्षण वरून आक्रमक, राज्यभरात निषेध. -------------------------------------- अमरावती जिल्हा प्रतिनिधी पी.एन.देशमुख. -------------------------------------- अमरावती. मुख्यमंत्री एकनाथ शिंदे यांनी धनगर समाजाला अनुसूचित जमातीत आरक्षण देण्याचा निर्णय घेतल्याने या निर्णयाचा आदिवासी बांधवाकडून राज्यभर निषेध व्यक्त केला जात आहे. जिल्हाधिकारी कार्यालयावर शेकडो आदिवासी आदिवासी बांधव आदिवासी युवा क्रांती दलाच्या नेतृत्वात जिल्हा कचेरीवर धडक दिली यावेळी शासनाविरोधात निदर्शने करण्यात आली. धनगर समाजाला अनुसूचित जमातीचे आरक्षण देण्यासाठी महाराष्ट्र सरकार हालचाल करत आहे. मुख्यमंत्र्यांनी स्वतः याबाबत त्यांच्या शिष्टमंडळाला आश्वस्त केल्यामुळे मुख्यमंत्र्यांच्या या निर्णयाचा आदिवासी युवा क्रांती दल संघटनेने जाहीर निषेध व्यक्त केला आहे मुळात धनगर व धनगड हे दोन्ही शब्द अनुसूचीत जमातीच्या सुचित नाहीत. इंग्रजी शब्दाचे भाषांतर धनगड असे केले जात आहे ओराॅन, धांगड,या जमातीशी धनगर जातीचा तीळ मात्र ही संबंध नाही. धनगर ही जात आहे; जमात नाही. तसे...

  भर पावसात ठाम मांडून आदिवासींचा ठिय्या आंदोलन सुरूच कुसूंबी चुनखड्डी  उत्खनन ठप्प. -------------------------------   चंद्रपूर जिल्हा प्रतिनिधी      मंगेश तिखट       ---------------------------------  माणिकगड गडचांदूर स्थितअल्ट्राटेक सिमेंट कंपनीच्या कुसुंबी माईन्सच्या आदिवासी कोलामांच्या शेतजमिनी भूपृष्ठ अधिकार किंवा भूसंपादन प्रक्रिया न करता अल्ट्राटेक सिमेंट कंपनीने बेकायदेशीर आपल्या हितासाठीआदिवासींच्या ताब्यात घेतल्याने संतप्त होऊन आदिवासींनी कुटुंबासह कालपासून कोलाम व आदिवासी समूह आपल्या हक्काच्या जमिनीचा ताबा घ्या आदिवासी कोलामांना नोकरी द्या याकरिता या आंदोलन सुरू केले आहे रात्र पडलेल्या धो धो पावसात 18 कुटुंब आपल्या परिवारासह ताडपत्रीत रात्र काढली पोलीस व महसूल प्रशासनाकडून आंदोलन थांबवण्याचा आग्रह करण्यात आला मात्र प्रशासनाकडून आम्हाला गेल्या दहा वर्षापासून हुलकावणी दिल्या जात असून आदिवासींचे शोषण खुलेआम कंपनी करीत आहे आदिवासीवर संविधानिक मार्गाने आंदोलन करत असताना आठ ते दहा गुन्हे दाखल करून संपूर्ण गरीब कुटुंबांना ब...