🚨 एम.डी. ड्रग तस्करीचा पर्दाफाश — दोन जणांना अटक, अडीच लाखांचा मुद्देमाल जप्त!

 🚨 एम.डी. ड्रग तस्करीचा पर्दाफाश — दोन जणांना अटक, अडीच लाखांचा मुद्देमाल जप्त!

संस्कार कुंभार 

_________________

कोल्हापूर | 

गांधीनगर पोलीस ठाण्याच्या हद्दीतील परिसरात स्थानिक गुन्हे अन्वेषण शाखेच्या (LCB) पथकाने थरारक कारवाई करत MEPHEDRONE (एम.डी.) ड्रग विक्री करणाऱ्या दोन तरुणांना रंगेहात पकडले.

या कारवाईत १२.२३ ग्रॅम एम.डी. ड्रग, तीन मोबाईल आणि जिक्सर मोटारसायकल असा अडीच लाख रुपये किंमतीचा मुद्देमाल जप्त करण्यात आला.

अभिषेक मोरे (२३, रा. जाधववाडी) व विवेक पोवार (२८, रा. उचगांव) यांनी हा अंमली पदार्थ नेरूळ, मुंबई येथून आणल्याचे कबूल केले आहे.

ही धडक कारवाई मा. पोलीस अधीक्षक योगेश कुमार यांच्या आदेशानुसार पोलीस निरीक्षक रविंद्र कळमकर व पो.उ.नि. शेष मोरे यांच्या पथकाने उचगांवजवळ सापळा लावून केली.

सदर प्रकरणाचा पुढील तपास गांधीनगर पोलिसांकडून सुरू आहे. 🚔