भादोले येथे अल्पवयीन मुलीवर अत्याचार ; आरोपीस अटक
भादोले येथे अल्पवयीन मुलीवर अत्याचार ; आरोपीस अटक
हातकणंगले तालुक्यातील भादोले येथील एका अल्पवयीन मुलीवर अत्याचार केल्याप्रकरणी वडगाव पोलिसांनी २४ वर्षीय युवकास अटक केली आहे. ओमकार प्रकाश मदने (वय २४, रा. भादोले) असे अटक करण्यात आलेल्या आरोपीचे नाव असून तो फोटोग्राफी व्यवसाय करत असल्याचे समजते.
पोलिसांनी दिलेल्या माहितीनुसार, आरोपीने पीडिता अल्पवयीन असल्याचे माहिती असूनही तिला पैशाचे आमिष दाखवून लाटवडे रोडवरील उसाच्या शेतात नेऊन तिच्यावर जबरदस्तीने अत्याचार केला. तसेच या घटनेची वाच्यता कोठेही केल्यास जीवे मारण्याची धमकी दिल्याचेही तक्रारीत नमूद करण्यात आले आहे. ही घटना ऑगस्ट ते सप्टेंबर २०२५ या कालावधीत घडली असल्याचे तपासात स्पष्ट झाले आहे.
पीडित मुलगी अत्यंत गरीब कुटुंबातून असल्याने सुरुवातीला या घटनेची तक्रार करण्यात आलेली नव्हती. मात्र, नंतर तिला शारीरिक त्रास होऊ लागल्याने प्रकरण उघडकीस आले. पीडितेस उपचारासाठी कोल्हापूर येथील सीपीआर रुग्णालयात दाखल करण्यात आले आहे.
पीडितेने दिलेल्या तक्रारीनुसार वडगाव पोलिसांनी तत्काळ गुन्हा दाखल करून आरोपी ओमकार मदने याला अटक केली आहे. पुढील तपास वडगाव पोलीस करत असून प्रकरणात पॉक्सो कायद्यान्वये कारवाई करण्यात आली आहे.
No comments: