नामदार गोपाळ कृष्ण गोखले विद्यामंदिर कागल शाळेचे स्नेहसंमेलन संपन्न.

 नामदार गोपाळ कृष्ण गोखले विद्यामंदिर कागल शाळेचे स्नेहसंमेलन संपन्न.

----------------------------

सुपर भारत सलीम शेख 

----------------------------

 

कागल : नामदार गोपाळ कृष्ण गोखले विद्यामंदिर कागल शाळेचे स्नेहसंमेलन व वार्षिक क्रीडा स्पर्धा पारितोषिक आणि मीडियामध्ये उल्लेखनीय कार्य केलेल्या संपादक , पत्रकार यांचा सत्कार संयुक्त कार्यक्रम संपन्न झाला. या संयुक्त कार्यक्रमांमध्ये कार्यक्रमाचे अध्यक्षा नगरसेविका रंजना सणगर , नगरसेविका स्वरूपा जकाते, नगरसेविका पुनम मोरे , नगरसेवक दीपक मगर,  शंकर पवार केंद्रप्रमुख , सम्राट सनगर संपादक, पत्रकार  सलीम शेख ,आरती लोहार अध्यक्ष शाळा  व्यवस्थापन समिती,स्वप्निल बारड, भाऊसो रानगे सदस्य यांच्यामार्फत विविध स्नेहसंमेलन बक्षीस वितरण व सत्कार असा कार्यक्रम संपन्न झाला.

यावेळी नगरसेवक  दीपक मगर यांनी कागल नगरपालिकेच्या अंतर्गत असणारी नामदार गोपाळ कृष्ण गोखले शाळेमध्ये मोफत व दर्जेदार शिक्षण भरपूर उपक्रम राबवले जातात या शाळेचे पटसंख्या वाढवण्यासाठी नागरिकांनी आपल्या मुलांना शाळेत प्रवेशित करावे असे आव्हान केले. मुख्याध्यापक सागर नदाफ सर यांनी शाळेविषयी राबवले जाणारे उपक्रम शैक्षणिक कार्य शाळेची यशस्वीता याबद्दल माहिती दिली. गहिनीनाथ समाचारचे संपादक  सम्राट सनगर यांना उत्कृष्ट संपादक मान चिन्ह देऊन सत्कार करण्यात आला. तसेच  निर्भय वार्ताहर सलीम शेख  यांना ही मानचिन्ह देऊन शाळेमार्फत पत्रकार दिनानिमित्त विशेष सन्मान व चिन्ह देऊन गौरव करण्यात आला. यावेळी शाळेचे मुख्याध्यापक सागर नदाफ,शिक्षक गाडेकर सर, पिष्टे सर पाटील सर, तासीलदार मॅडम व इतर शिक्षक ,शिक्षकेतर कर्मचारी, विद्यार्थी, पालक उपस्थित होते.