MHT‑CET 2026 विद्यार्थ्यांसाठी मोठा बातमी: भाजप, मुंबईच्या नेतृत्वाखाली ‘मेरी तयारी’ मोफत मॉक टेस्ट उपलब्ध

 MHT‑CET 2026 विद्यार्थ्यांसाठी मोठा बातमी: भाजप, मुंबईच्या नेतृत्वाखाली ‘मेरी तयारी’ मोफत मॉक टेस्ट उपलब्ध

पुणे/प्रतिनिधी

यावर्षी होणारी MHT‑CET 2026 ही परीक्षा ऐतिहासिक ठरत असून, महाराष्ट्रभरातून 11.4 लाखांहून अधिक विद्यार्थी या स्पर्धात्मक परीक्षेला सामोरे जाणार आहेत. या पार्श्वभूमीवर विद्यार्थ्यांना योग्य दिशा आणि दर्जेदार सराव मिळावा या उद्देशाने भारतीय जनता पक्ष (भाजप), मुंबई आणि भारतीय जनता युवा मोर्चा (BJYM), मुंबई यांच्या मार्गदर्शनाखाली टार्गेट लर्निंग व्हेंचर्स प्रा. लि. सहकार्याने ‘मेरी तयारी’ हा मोफत मॉक टेस्ट उपक्रम सुरू करण्यात आला आहे.

माननीय मुख्यमंत्री श्री. देवेंद्र फडणवीस यांच्या दूरदृष्टीप्रेरित आणि भाजप मुंबई अध्यक्ष श्री. अमीत साटम यांच्या नेतृत्वाखाली हा उपक्रम राबविण्यात येत आहे. ही मॉक टेस्ट 4 एप्रिल 2026 आणि 2 मे 2026 रोजी सकाळी 9:00 ते दुपारी 12:00 या वेळेत ऑनलाइन पद्धतीने घेण्यात येणार आहे. सामान्यतः अशा मॉक टेस्टसाठी विद्यार्थ्यांकडून सुमारे 1000 ते 2000 रुपये शुल्क आकारले जाते; परंतु ‘मेरी तयारी’ हा उपक्रम पूर्णपणे मोफत आहे, त्यामुळे गरीब व मध्यम वर्गातील सर्वच विद्यार्थ्यांना समान संधी उपलब्ध होणार आहे.

ही मॉक टेस्ट प्रत्यक्ष MHT‑CET परीक्षेच्या स्वरूपात तयार करण्यात आली असून, त्यामुळे विद्यार्थ्यांना वेळेचे व्यवस्थापन, प्रश्नांची गती आणि त्यांची तयारीची अचूक अवस्था समजण्यास मदत होणार आहे. पहिल्या चाचणीनंतर विद्यार्थ्यांना विषयानुसार अचूकता, गती, कमकुवत बाजू आणि आवश्यक सुधारणांचा तपशीलवार परफॉर्मन्स रिपोर्ट देण्यात येणार आहे. दुसऱ्या चाचणीद्वारे विद्यार्थी स्वतःची प्रगती तपासून पुढील तयारीची रणनीती ठरवू शकणार आहेत.

भाजप, मुंबई आणि BJYM, मुंबई यांच्या वतीने त्याच वेळी ‘Tayari Entrance’ हे मोबाइल अॅपही विद्यार्थ्यांसाठी सादर करण्यात आले आहे. NEET, JEE आणि MHT‑CET या प्रवेश परीक्षांसाठी तयारी करणाऱ्या विद्यार्थ्यांसाठी हे अॅप उपयुक्त ठरणार असून, यात सराव प्रश्नपेढ्या, दैनिक क्विझ, संकल्पना पुनरावलोकन आणि परफॉर्मन्स ट्रॅकिंग यासारख्या सुविधा उपलब्ध आहेत. 

नगरसेवक श्री. तजिंदर सिंह तिवाणा यांनी सांगितले, “विद्यार्थ्यांना प्रत्यक्ष परीक्षेचा अनुभव देणारा हा उपक्रम त्यांच्या तयारीसाठी अत्यंत महत्त्वाचा ठरेल. जास्तीत जास्त विद्यार्थ्यांनी याचा लाभ घ्यावा.”

BJYM, मुंबई अध्यक्ष श्री. दीपक सिंह यांनी नमूद केले की, “विद्यार्थ्यांना योग्य साधने आणि मार्गदर्शन मिळावे, हा आमचा उद्देश आहे. ‘मेरी तयारी’ आणि ‘Tayari Entrance’ हे त्याच दिशेने टाकलेले महत्त्वाचे पाऊल आहेत.”

विद्यार्थ्यांनी या मॉक टेस्टसाठी खालील लिंकवरून नोंदणी करावी:

‘मेरी तयारी’ MHT‑CET Mock Test 2026:

👉 https://mock.tayari.in/ �

Tayari Entrance App माहितीसाठी:

👉 https://tayari.in/ �

अधिक माहितीसाठी संपर्क:

क्रांती सान्याल – 9167335033