अन्यथा जिल्हाधिकारी कार्यालयास टाळे ठोकू भारतीय दलित महासंघाचा इशारा.

 अन्यथा जिल्हाधिकारी कार्यालयास टाळे ठोकू भारतीय दलित महासंघाचा इशारा.

--------------------------------

सुदर्शन पाटील 

--------------------------------

पोंबरे (ता. पन्हाळा) येथील वानरमारी समाजाच्या मंजूर प्रस्तावाची शासनाने अंमलबजावणी न केल्याच्या निषेधार्थ भारतीय दलित महासंघाच्या वतीने आज बाजारभोगाव (ता पन्हाळा)  येथे  नदीपात्रात सामुदायिक जलसमाधी आंदोलन करण्यात येणार होते पण त्यापूर्वी बाजारभोगाव मंडल अधिकारी नलीनी मोहिते यांनी चर्चा केल्याने हे आंदोलन थांबवले असल्याचे  भारतीय दलित महासंघ राष्ट्रीय कार्याध्यक्ष श्रीकांत कांबळे  जाहीर केले. पण दिवाळीपूर्वी  अमंलबजावणी नाही केली तर जिल्हाधिकारी कार्यालयास कुलूप घालणार  असा ही इशारा यावेळी दिला.

    पाच वर्षांपूर्वी शासनाने ११ कुटुंबांना घरकुलासह पाच गुंठे जमिन देण्याचा प्रस्ताव मंजूर केला होता. मात्र, अद्याप प्रशासनाच्या दुर्लक्षामुळे आदेशाची अंमलबजावणी झालेली नाही. शासनाच्या आश्वासनांना हरताळ फासल्यामुळे उपेक्षित वानरमारी समाज जगण्यासाठी अन्न, वस्त्र, निवारा, आरोग्य व शिक्षण या मूलभूत हक्कांपासून वंचित राहिला आहे. त्याच्यावर झालेले  अन्यायाविरोधात व न्याय हक्कासाठी बाजारभोगाव चौकात कार्यकर्ते  व वानरमारी समाजातील लोक जमा झाले. येथून सर्व जलसमाधी आंदोलन करण्यासाठी नदीकडे निघाले होते. यावेळी त्याच्याशी मंडल अधिकारी  नलीनी मोहिते यांच्यासह ग्राममहसूल वशीमराज मुल्ला चंदू म्हसवेकर राजाराम चौगले, महसूल सेवक दिपक गुरव, सुभाष सांवत यांनी तलाठी कार्यालयात चर्चा केली. यावेळी आंदोलकांना  सदर घरकुल व जातीचे दाखले देण्यासाठी कार्यवाही सुरू झाली आहे त्यातील त्रुटी दूर करून पुढील आॕक्टोबर महिन्यातील पंधरा तारखेपर्यत पूर्ण होईल असे आश्वासन दिले. याबाबत जिल्हाधिकारी कार्यालयाकडून सदर प्रस्ताव पुणे येथे पाठवला आहे. असे सांगितले 

  यावेळी आंदोलनात भारतीय दलित महासंघाचे राष्ट्रीय कार्याध्यक्ष  श्रीकांत कांबळे कोल्हापूर जिल्हा सरचिटणीस अमोल कांबळे .अनिरुद्ध गौतम कांबळे .पश्चिम महाराष्ट्र कार्याध्यक्ष दिलीप मोरे, महाराष्ट्र राज्य संपर्क प्रमुख  बबलू चौगुले  पन्हाळा तालुकाध्यक्ष गणेश कांबळे, सांगली जिल्हाध्यक्ष विनोद आढाव, धनाजी तुपारे   चंद्रकांत काळे अरुण कांबळे तुकाराम पवार   आकाश कांबळे विठ्ठल कांबळे प्रसाद सावंत  संदीप कांबळे विकी भोसले  अविनाश कांबळे दत्ता सोयगावकर प्रज्ञावंत कांबळे यांच्यासह वानरमारी समाजातील लोक उपस्थित होते. यावेळी सहाय्यक पोलिस निरिक्षक रणजित पाटील यांच्या मार्गदर्शनाखाली पोलिस हावलदार विजयानंद कुंभार बंदोबस्त ठेवला होता.

 

फोटोओळ 

भारतीय दलित महसंघाच्या पदाधिकारी याना वानरमारी समाजाच्या घरकुल व इतर मागण्या पूर्ण करण्यासाठी कार्यवाही सुरू असलेचे जिल्हाधिकारी कार्यालयातील पत्र देताना नलीनी मोहिते.