🛑 भर वस्तीतील अवैध गॅस रिफिलिंगवर एसपींच्या विशेष पथकाची धडक कारवाई! 💥 दोन लाखांचा मुद्देमाल जप्त, सहा जणांवर गुन्हे.

 🛑 भर वस्तीतील अवैध गॅस रिफिलिंगवर एसपींच्या विशेष पथकाची धडक कारवाई!

💥 दोन लाखांचा मुद्देमाल जप्त, सहा जणांवर गुन्हे.

कोल्हापूर जिल्ह्यात ठिकठिकाणी छापे; कागल, राजारामपुरी, लक्ष्मीपुरी, जुना राजवाडा, रंकाळा आणि शाहूपुरी येथे धडक मोहिम.

कोल्हापूर | प्रतिनिधी

भर वस्तीमध्ये जीवाशी खेळ करणारा अवैध एलपीजी गॅस रिफिलिंगचा धंदा चालू असल्याची गुप्त माहिती मिळताच जिल्हा पोलीस अधीक्षक योगेश कुमार गुप्ता यांच्या विशेष पथकाने धडाकेबाज कारवाई करत संपूर्ण जिल्ह्यात खळबळ उडवून दिली आहे!

या एकाच वेळी झालेल्या धाडीत तब्बल दोन लाख रुपयांचा मुद्देमाल जप्त करण्यात आला असून, सहा जणांवर गुन्हे दाखल करण्यात आले आहेत.

🔥 कागलमध्ये सर्वात मोठी कारवाई!

कागल शहरातील सनगर गल्ली परिसरातील सुधाकर पांडुरंग सनगर यांच्या ठिकाणी पथकाने छापा टाकला.

तेथे १७ गॅस टाक्या, इलेक्ट्रिक वजनकाटा आणि विविध उपकरणांसह ₹४०,१०० चा मुद्देमाल ताब्यात घेण्यात आला 

⚡ राजारामपुरी–लक्ष्मीपुरीत सलग धाड!

राजारामपुरी पोलिस ठाणे हद्दीत चार सिलेंडर, दोन इलेक्ट्रिक मोटारी व वजनकाटा असा ₹३५,००० चा मुद्देमाल जप्त करण्यात आला.

तर लक्ष्मीपुरीतील रिलायन्स मॉल पाठीमागे केलेल्या कारवाईत दोन सिलेंडर, इलेक्ट्रिक मोटार, वजनकाटा व रोख ₹२५,००० असा माल ताब्यात घेतला.

या ठिकाणी संजय ईश्वरा बिसुरे याच्यावर गुन्हा दाखल करण्यात आला आहे.

🚨 जुना राजवाडा–रंकाळा–शाहूपुरीतही धडक!

जुना राजवाडा पोलिसांनी जोशी गल्ली, लक्षतीर्थ वसाहत परिसरात छापा टाकून विशाल अर्जुन लोखंडे याच्याकडून ७ सिलेंडर आणि इलेक्ट्रिक उपकरणांसह ₹३७,००० चा मुद्देमाल हस्तगत केला.

तर रंकाळा परिसरात ₹३०,००० चा माल आणि शाहूपुरीत सात ते आठ सिलेंडर व वजनकाटा मिळून ₹३०,००० चा मुद्देमाल जप्त करण्यात आला धाडीनंतर नागरिकांमध्ये समाधानाचा श्वास!

या सर्व कारवाईत एकूण ₹२ लाखांचा अवैध माल जप्त झाला असून, सर्व आरोपींवर गुन्हे दाखल झाले आहेत.

जिल्हा पोलीस अधीक्षकांच्या या निर्णायक पावलाचे जनतेत प्रचंड कौतुक होत आहे

📦 चौकट – स्थानिक पोलिसांवर प्रश्नचिन्ह!

या अवैध धंद्यांवर आतापर्यंत स्थानिक पोलिसांनी दुर्लक्ष का केले? हा प्रश्न नागरिकांतून तीव्रतेने उपस्थित होत आहे.

भर वस्तीमध्ये आणि रिक्षांमध्ये गॅस रिफिलिंगसारखा जीवघेणा प्रकार सर्रास सुरू होता, ज्यामुळे स्फोटाचा धोका कायम निर्माण झाला होता.

एसपींच्या विशेष पथकाच्या या धाडीनंतर नागरिकांनी “अवैध धंद्यांचे कंबरडे मोडले!” अशा शब्दांत समाधान व्यक्त केले आहे