मुंबई–बारामती विमान अपघातात उपमुख्यमंत्री अजित पवार यांचा अपघाती मृत्यू.

 मुंबई–बारामती विमान अपघातात उपमुख्यमंत्री अजित पवार यांचा अपघाती मृत्यू.

----------------------------------

 मुंबई प्रतिनिधी

----------------------------------

महाराष्ट्राचे उपमुख्यमंत्री आणि राष्ट्रवादी काँग्रेसचे नेते अजितदादा पवार यांचा आज सकाळी झालेल्या विमान अपघातात दुर्दैवी मृत्यू झाल्याची धक्कादायक घटना समोर आली आहे. मुंबईहून प्रचार सभेसाठी बारामतीकडे जात असताना त्यांच्या चार्टर्ड विमानाला लँडिंगदरम्यान भीषण अपघात झाला.

प्राप्त प्राथमिक माहितीनुसार, बारामती विमानतळावर उतरत असताना विमानाचा ताबा सुटून ते धावपट्टीजवळ कोसळले. या अपघातात अजित पवार यांच्यासह वैमानिक व सुरक्षा कर्मचाऱ्यांचा मृत्यू झाल्याचे वृत्त आहे. अपघातानंतर घटनास्थळी अग्निशमन दल, पोलीस व आपत्कालीन बचाव पथकाने तात्काळ धाव घेतली.

आज अजित पवार बारामती तालुक्यातील प्रचार कार्यक्रमांसाठी येत होते. त्यांच्या आगमनासाठी स्थानिक कार्यकर्त्यांमध्ये उत्साह होता; मात्र अचानक घडलेल्या या दुर्घटनेने संपूर्ण राज्यात शोककळा पसरली आहे.

अपघाताचे नेमके कारण अद्याप स्पष्ट झाले नसून तांत्रिक बिघाड किंवा हवामान कारणीभूत असण्याची शक्यता व्यक्त केली जात आहे. नागरी उड्डाण विभागाने या अपघाताची चौकशी सुरू केली आहे.

अजित पवार यांच्या निधनाने महाराष्ट्राच्या राजकारणात मोठी पोकळी निर्माण झाली असून राज्यभरातून शोक संदेशांचा वर्षाव होत आहे.