पत्रकार दिनानिमित्त सत्कार सोहळा उत्साहात

 पत्रकार दिनानिमित्त सत्कार सोहळा उत्साहात.

निमसाखर (ता. इंदापूर):

पत्रकार दिनानिमित्त इंदापूर तालुका प्रतिनिधी गणेश धनवडे यांचा सन्मानपूर्वक सत्कार आज निमसाखर येथे पार पडला. लोकनेते शहाजीराव पाटील माध्यमिक विद्यालय, बोराटवाडी यांच्या वतीने आयोजित या कार्यक्रमात जेष्ठ नागरिक व प्रगतशील बागायतदार श्री. भगवानराव रणसिंग यांच्या शुभहस्ते धनवडे यांचा सत्कार करण्यात आला.

यावेळी पत्रकारितेतील त्यांच्या उल्लेखनीय कार्याचा गौरव करत उपस्थित मान्यवरांनी त्यांना शुभेच्छा दिल्या. समाजातील विविध प्रश्नांना वाचा फोडण्याचे कार्य पत्रकार करत असून लोकशाही बळकट करण्यामध्ये पत्रकारांची भूमिका अत्यंत महत्त्वाची असल्याचे मत यावेळी मान्यवरांनी व्यक्त केले.

या कार्यक्रमास श्री. धनवडे बापू, श्री. राजेंद्र रणमोडे सर, श्री. नवनाथ कुंभार सर, श्री. प्रदीप रणमोडे सर यांच्यासह अनेक मान्यवर उपस्थित होते. कार्यक्रम सौहार्दपूर्ण वातावरणात पार पडला.