कसबा बावडा परिसरामध्ये पिसाळलेल्या कुत्र्याचा धुमाकूळ; एकाच दिवशी सहा जणांना चावा.

------------------------------

*्प्रतिनिधी:रहिम पिंजारी*

------------------------------

कोल्हापूर: शहरातील उळपे मळा ते गोळीबार या परिसरात एका पिसाळलेल्या कुत्र्याने दहशत माजवली असून, सकाळपासून तब्बल सहा नागरिकांवर हल्ला करून त्यांना गंभीर जखमी केले आहे. या घटनेमुळे परिसरात भीतीचे वातावरण पसरले आहे.

मिळालेल्या माहितीनुसार, संबंधित पिसाळलेल्या कुत्र्याने येणाऱ्या-जाणाऱ्या नागरिकांवर अचानक हल्ले करण्यास सुरुवात केली. यामध्ये सहा जणांना कुत्र्याने मोठ्या प्रमाणात चावा घेतला असून, त्यांच्या हाता-पायांना गंभीर जखमा झाल्या आहेत. सर्व जखमींना तातडीने उपचारासाठी 'लोक सेवा रुग्णालय' येथे दाखल करण्यात आले असून, त्यांच्यावर सध्या उपचार सुरू आहेत.

नागरिकांना सतर्कतेचा इशारा.

-----------------------------------

परिसरातील परिस्थिती पाहता, स्थानिक प्रशासनाने आणि जागरूक नागरिकांनी सर्व रहिवाशांना सतर्क राहण्याचे आवाहन केले आहे. विशेषतः लहान मुले आणि ज्येष्ठांनी घराबाहेर पडताना काळजी घ्यावी, अशी विनंती करण्यात आली आहे.

महत्त्वाची सूचना: भटक्या किंवा पिसाळलेल्या कुत्र्यापासून स्वतःचा बचाव करण्यासाठी सुरक्षित अंतर राखा आणि संशयास्पद वर्तन आढळल्यास त्वरित महापालिका प्रशासनाला कळवा.