मलकापूर नगरपरिषदेला अखेर मैला सक्शन वाहन प्राप्त.

 मलकापूर नगरपरिषदेला अखेर मैला सक्शन वाहन प्राप्त.

-----------------------------

मलकापूर प्रतिनिधी 

रोहित पास्ते 

-----------------------------

  केंद्र पुरस्कृत स्वच्छ महाराष्ट्र अभियानांतर्गत शहर स्वच्छता कृती आराखड्यानुसार मलकापूर नगरपरिषदेला ३ हजार लिटर क्षमतेचे मैला सक्शन वाहन दि. ४ सप्टेंबर २०२६ रोजी प्राप्त झाले.

सुमारे चार वर्षांपासून प्रलंबित असलेले हे वाहन नगराध्यक्षा सौ. रश्मी शंतनू कोठावळे, उपनगराध्यक्ष दिलीप पाटील तसेच सर्व नगरसेवक व नगरसेविकांच्या पाठपुराव्यामुळे उपलब्ध झाले आहे.

या वाहनाच्या माध्यमातून नागरिकांच्या घरगुती मैला टाक्या व सेप्टिक टँक उपसा करण्याची सुविधा उपलब्ध होणार आहे. नागरिकांनी या सुविधेचा लाभ घेण्यासाठी मलकापूर नगरपरिषदेशी संपर्क साधावा, असे आवाहन नगरपरिषद प्रशासन तसेच मुख्याधिकारी सौ. अंगाई जयसिंगराव साळुंखे यांनी केले आहे.