कागलमध्ये 'श्री गणेशा आरोग्याचा' अभियानांतर्गत सर्व रोग व नेत्रचिकित्सा शिबिराचे आयोजन.

 कागलमध्ये 'श्री गणेशा आरोग्याचा' अभियानांतर्गत सर्व रोग व नेत्रचिकित्सा शिबिराचे आयोजन.

-----------------------------

सलीम शेख 

-----------------------------

कागल  : 'श्री गणेशा आरोग्याचा' या अभियानांतर्गत ग्रामीण रुग्णालय, कागल आणि वीर जवान मित्र मंडळ, कागल शहर यांच्या संयुक्त विद्यमाने दिनांक ५ सप्टेंबर, २०२५ रोजी एक भव्य सर्व रोग निदान आणि नेत्रचिकित्सा तपासणी शिबिर आयोजित करण्यात आले होते. सर्वसामान्य आणि गरजू नागरिकांना आरोग्यविषयक सोयी-सुविधा उपलब्ध करून देणे हा या शिबिराचा मुख्य उद्देश होता.

या शिबिरामध्ये ग्रामीण रुग्णालयाच्या वैद्यकीय अधिकारी व प्रयोगशाळा विभागाने उपस्थित नागरिकांची आरोग्य तपासणी करून आवश्यक त्या प्रयोगशाळा चाचण्या केल्या. यासोबतच, स्वस्तिक हॉस्पिटलच्या वतीने हृदयरोगाशी संबंधित आवश्यक तपासण्याही करण्यात आल्या. विशेषतः या शिबिराचा लाभ वयस्कर नागरिकांना मोठ्या प्रमाणात झाला. नंदादीप नेत्र चिकित्सालयाच्या चमूने परिसरातील नागरिकांच्या डोळ्यांची तपासणी केली. या शिबिराला परिसरातील नागरिकांनी उत्स्फूर्त प्रतिसाद दिला.वाय. डी. माने बालगृहात विद्यार्थ्यांसाठी विशेष कार्यक्रम याच दिवशी झाला.यावेळी डॉ. सरिता थोरात, वैद्यकीय अधिकारी, ग्रामीण रुग्णालय, कागल यांनी त्यांच्या रुग्णालयातील अन्य वैद्यकीय अधिकारी व कर्मचाऱ्यांसह वाय. डी. माने बालगृहाला भेट दिली. या भेटीदरम्यान, बालगृहातील विद्यार्थ्यांना स्वयं-स्वच्छता किट प्रदान करण्यात आल्या. याप्रसंगी विद्यार्थ्यांनी योगाची अतिशय शिस्तबद्ध व कमी वेळेत प्रात्यक्षिके सादर केली. यानंतर, दंतचिकित्सक डॉ. किल्लेदार यांनी विद्यार्थ्यांना दात घासण्याची योग्य पद्धत व मौखिक आरोग्याविषयी सविस्तर माहिती दिली.

आर.बी.एस.के. टी.एम. (Rashtriya Bal Swasthya Karyakram - Team) यांनी विद्यार्थ्यांना वैयक्तिक स्वच्छतेचे महत्त्व पटवून दिले आणि हात धुण्याची शास्त्रीय पद्धत प्रात्यक्षिकांसह समजावून सांगितली. कार्यक्रमाच्या शेवटी, सर्व विद्यार्थ्यांची आरोग्य तपासणी करण्यात आली. बालगृहाच्या वतीने मुख्याध्यापक साळुंखे यांनी सर्वांचे आभार मानले.

'श्री गणेशा आरोग्याचा' अभियानांतर्गत ग्रामीण रुग्णालय, कागलने गेल्या चार दिवसांमध्ये अत्यंत उपयुक्त उपक्रम राबवले, याचे सर्व श्रेय वैद्यकीय अधीक्षक डॉ. सरिता थोरात यांना जाते.

Comments

Post a Comment

Popular posts from this blog

गांधीनगरमध्ये दुकानदाराची ७.५१ लाखांची फसवणूक; दुकानातील कर्मचाऱ्यावर गुन्हा दाखल.

Image
  गांधीनगरमध्ये दुकानदाराची ७.५१ लाखांची फसवणूक; दुकानातील कर्मचाऱ्यावर गुन्हा दाखल. -------------------------------- कोल्हापूर प्रतिनिधी शशिकांत कुंभार  --------------------------------- गांधीनगर :- गांधीनगर येथील सोनी होजिअरी अँड किड्स वेअर या दुकानातील एका कर्मचाऱ्याने मालकाची तब्बल ७ लाख ५१ हजार २८० रुपयांची आर्थिक फसवणूक केल्याचा धक्कादायक प्रकार समोर आला आहे. या प्रकरणी दुकानाच्या मालकांनी गांधीनगर पोलीस ठाण्यात फिर्याद दाखल केली असून, आरोपी कर्मचाऱ्याविरोधात गुन्हा दाखल करण्यात आला आहे. गांधीनगर येथील रहिवासी अमित लेखराज जेवराणी (वय ४०) यांनी गांधीनगर पोलीस ठाण्यात ही फिर्याद दिली आहे. त्यांच्या आईच्या मालकीच्या 'सोनी गारमेंट' नावाच्या दुकानात दीपक जियंदराय पोपटाणी याला २०१८ पासून कामावर ठेवण्यात आले होते. फिर्यादीनुसार, दीपक पोपटाणीने दुकानात काम करत असताना, 'सोनी होजिअरी अँड किड्स वेअर' या नावाचा वापर करून विविध व्यापाऱ्यांकडून माल खरेदी केला. त्याने ७ लाख ५१ हजार २८० रुपयांच्या मालाचे पैसे परस्पर घेतले. एवढेच नव्हे, तर काही व्यापाऱ्यांच्या नावाने खोटी बिले (बि...
Read more

अनैतिक प्रेम संबंधातून शिवथर येथील विवाहित महिलेचा गळा कापून खून.

Image
  अनैतिक प्रेम संबंधातून शिवथर येथील विवाहित महिलेचा गळा कापून खून. मयत:पूजा जाधव ------------------------------ सातारा जिल्हा प्रतिनिधी  अमर इंदलकर  ---------------------------  शिवथर ता.जिल्हा सातारा या ठिकाणी पूजा प्रथमेश जाधव या विवाहित महिलेचा धारदार शस्त्राने खून  करण्यात आला. आरोपी:-अक्षय रामचंद्र साबळे पोलिसाकडून मिळाली अधिक माहिती अशी की,  शिवथर तालुका जिल्हा सातारा या ठिकाणी एका महिलेचा तिच्या राहत्या घरात खून झाला असलेले पोलिसांना समजले अशोक लक्ष्मण साबळे राहणार शिवतर तालुका जिल्हा सातारा यांची ती विवाहित मुलगी असुन कोनी अज्ञात व्यक्तीने तिच्या धारदार शस्त्राने वार केला असल्याचे दिसत होते  पोलीस निरीक्षक निलेश तांबे यांनी या खुनाचा तपास सुरू केला काही गोपनीय माहिती आधारित पूजा प्रथमेश जाधव व.व.  27 हिचा खून तिच्या प्रियकर अक्षय रामचंद्र साबळे वय वर्ष 28 राहणार शिवथर यांनी केला असल्याचे निष्पन्न झाले. अक्षय रामचंद्र साबळे व पूजा प्रथमेश जाधव हे गेल्या सहा वर्षापासून अनैतिक प्रेम संबंध होते  आपण पळून जाऊ आणि लग्न करू असा तगादा अक्षय ...
Read more

गणेश टॉकीज जवळ बुलेट ने ठोकर दिल्याने एका महिलेचा मृत्यू.तर दोघेजण जखमी.

Image
  गणेश टॉकीज जवळ बुलेट ने ठोकर  दिल्याने एका महिलेचा मृत्यू.तर दोघेजण जखमी. -------------------------------- कोल्हापूर जिल्हा प्रतिनिधी शशिकांत कुंभार. -------------------------------- गांधीनगर : काल रात्री  12 वाजण्याच्या सुमारास सरिता नंदलाल पंजाबी या  फिरावयास गेल्या असता पंजाबी यांना बुलेट ने पाठीमागून जोरदार धडक दिल्याने त्या गंभीर जखमी झाल्या त्यांना जखमी अवस्थेत सिपीआर रुग्णालयात उपचारासाठी दाखल करण्यात आले उपचारा दरम्याण रात्री सव्वा तिनच्या सुमारास त्याचा मुत्यु झाला.  या आपघाताबाबत पोलिसांकडून मिळालेली माहिती अशी की, काल दिनांक 06/08/2025 रोजी सिद्धार्थ राजू कसबे व इरफान मेहबूब नदाफ रा इंदिरा नगर झोपडपट्टी हे दोघे  नविन बुलेट वरुन कोल्हापूर कडे निघाले होते  या सुमारास सरीता पंजाबी व व 49 रा कोयना कॉलनी नेहमीप्रमाणे जेवण आटपून फिरावयास गेल्या होत्या त्या गणेश टॉकीज जवळ आल्यावर त्यांना बुलेट ने पाठीमागून जोरदार धडक दिली  धडक बसताच त्या जागीच कोसळल्या या अपघातातील जखमीना तेथे उपस्थित असलेल्या नागरीकानी उपचारासाठी सिपीआर रुग्णालयात दाखल केले...
Read more