🟥 कुपवाडमध्ये धारदार चाकूसह संशयित तरुण ताब्यात – एमआयडीसी कुपवाड पोलिसांची कारवाई

 🟥 कुपवाडमध्ये धारदार चाकूसह संशयित तरुण ताब्यात – एमआयडीसी कुपवाड पोलिसांची कारवाई.

----------------

राजु कदम.

-----------------

सांगली जिल्ह्यातील कुपवाड परिसरात धारदार चाकूसह संशयास्पदरीत्या फिरणाऱ्या एका तरुणाला एमआयडीसी कुपवाड पोलिसांनी ताब्यात घेतले असून त्याच्याविरुद्ध आर्म अॅक्टसह विविध कलमान्वये गुन्हा दाखल करण्यात आला आहे.

एमआयडीसी कुपवाड पोलीस ठाण्यात गु.र.नं. 27/2026 आर्म अॅक्ट कलम 4, 25 तसेच महाराष्ट्र पोलीस कायदा 1951 चे कलम 37 (1),(3)/135 प्रमाणे गुन्हा नोंद करण्यात आला आहे. याप्रकरणी फिर्यादी म्हणून पोलीस शिपाई अमोल परशुराम जाधव यांनी तक्रार दाखल केली आहे.

पोलिसांनी दिलेल्या माहितीनुसार, दिनांक 04 फेब्रुवारी 2026 रोजी रात्री सुमारे 10.30 वाजण्याच्या सुमारास कुपवाड येथील कपालेश्वर मंदिर परिसरात प्रणित उर्फ पण्या प्रकाश माघाडे (वय 21 वर्षे, रा. कापसे प्लॉट, गणपती मंदिर शेजारी, कुपवाड ता. मिरज जि. सांगली) हा तरुण संशयास्पदरीत्या फिरताना आढळून आला. त्याची झडती घेतली असता त्याच्याकडे लाकडी मूठ असलेला धारदार चाकू व रोख 100 रुपये असा मुद्देमाल आढळून आला.

जप्त करण्यात आलेल्या चाकूची एकूण लांबी 14.2 इंच असून मुठ 5 इंच आणि पाते 9.2 इंच लांबीचे असल्याचे पोलिसांनी सांगितले. दरम्यान, जिल्हाधिकारी तथा दंडाधिकारी सांगली यांनी जारी केलेल्या बंदी आदेशाचे उल्लंघन करून शारीरिक इजा करण्यासाठी वापरली जाईल अशी वस्तू जवळ बाळगल्याने आरोपीवर गुन्हा दाखल करण्यात आला आहे.

सदर गुन्ह्याची नोंद दिनांक 04 फेब्रुवारी 2026 रोजी रात्री 11.46 वाजता करण्यात आली असून पुढील तपास सपो फौ सनदी हे करीत आहेत.