३६ वर्षांनंतर जुळले ऋणानुबंध; कौलव केंद्र शाळेच्या १९९० बॅचचा स्नेहमेळावा उत्साहात.

~~~~~~~~~~~~~~~~~~~~~

विजय बकरे

~~~~~~~~~~~~~~~~~~~~~

राधानगरी तालुक्यातील केंद्र शाळा कौलव येथे सन १९९० च्या इयत्ता सातवीच्या बॅचचा तब्बल ३६ वर्षांनंतर स्नेहमेळावा उत्साहात पार पडला. जुन्या मित्र-मैत्रिणींची भेट होताच परिसरात भावनिक वातावरण निर्माण झाले. पुष्पगुच्छ देऊन स्वागत करण्यात आले आणि शालेय आठवणींना उजाळा देत सर्वांनी पुन्हा एकदा बालपण अनुभवले.

कार्यक्रमात गाणी, कविता आणि विविध मनोरंजनात्मक उपक्रमांनी रंगत आणली. गुरुजनांप्रती कृतज्ञता व्यक्त करत माजी विद्यार्थ्यांनी शाळेच्या प्रगतीसाठी आणि गरजू विद्यार्थ्यांसाठी मदत करण्याचा संकल्प केला.

आज विविध क्षेत्रांत उल्लेखनीय कामगिरी करणारे हे माजी विद्यार्थी पुन्हा एकत्र आल्याने गावात आनंदाचे वातावरण पसरले. शेवटी पुन्हा भेटण्याचे आश्वासन देत स्नेहमेळाव्याची सांगता झाली.