प.पु. श्री. गगनगिरी महाराज गुरुपौर्णिमा महोत्सवाचे श्री क्षेत्र गगनगड येथे भव्य आयोजन!
प.पु. श्री. गगनगिरी महाराज गुरुपौर्णिमा महोत्सवाचे श्री क्षेत्र गगनगड येथे भव्य आयोजन!
--------------------------------------
कळे ता.पन्हाळा प्रतिनिधी
साईश मोळे
----------------------------------------
सालाबादप्रमाणे याही वर्षी विश्वविख्यात योगीराज श्री गगनगिरी महाराज यांचा गुरुपौर्णिमा महोत्सव, त्यांच्या लाखो भाविकांतर्फे, महाराजांच्या आवडत्या व अभिजात निसर्गसौंदर्याने नटलेल्या जगप्रसिद्ध गगनगड आश्रमात साजरा करण्यांत येणार आहे.
सदर धार्मिक उत्सवास बुधवार दि. ९ जुलै पासून प्रारंभ होणार असून त्याची सांगता शुक्रवार दि.११ जुलै रोजी होणार असून या निमित्ताने आश्रमस्थानी भजन-कीर्तन-प्रवचन , नामस्मरण,होमहवन-भंडारा आदी धार्मिक विधींचे भव्य प्रमाणावर आयोजन करण्यांत आले आहे.
श्री गुरुपौर्णिमेच्या परम पावन दिनी गुरूवार दि. १० जुलै रोजी पहाटे ४.०० वा . पासून श्रींचे मूर्तीवर वेदमंत्राच्या पवित्र घोषात मंगल स्नान घालण्यांत येणार असून पादुकांवर पूजा - अभिषेक झाल्यानंतर संपूर्ण समाधीस्थानी विविध फुलांची आकर्षक सजावट करण्यात येईल व तदनंतर मुख्य दर्शनास प्रारंभ होईल. साधारण सकाळी ६ वा. दर्शनास प्रारंभ झाल्यावर संपूर्ण दिवसभर दर्शन-कार्यक्रम सुरु राहणार असून रात्रौ ८.३० वाजता महाआरतीचा कार्यक्रम संपन्न होईल. भाविक भक्तांच्या सोईसाठी सकाळी १० वाजेपासून भक्तांना महाप्रसाद देण्यात येईल.
सदरहू उत्सवाची सांगता शुक्रवार दि.११ जुलै रोजी होम - हवनाचे कार्यक्रमाने होणार आहे. तरी जास्तीत जास्त भाविक भक्तांनी गगनगड आश्रमस्थानी येवून योगीराज श्री गगनगिरीमहाराजांचे पादुकांचे दर्शन-आशिर्वादाचा लाभ घ्यावा व आश्रमसंस्थेच्या वतीने आयोजित धार्मिक कार्यात सक्रिय सहभाग घेवून सहकार्य करावे असे आवाहन संजयदादा पाटणकर सरकार यांनी करण्यांत आले आहे.
Comments
Post a Comment