देशप्रेमी तरुण मंडळाची रौप्यमहोत्सवी वर्षपूर्ती, ऐतिहासिक आणि पारंपारिक मिरवणुकीने गणरायाचे भव्य स्वागत.
देशप्रेमी तरुण मंडळाची रौप्यमहोत्सवी वर्षपूर्ती, ऐतिहासिक आणि पारंपारिक मिरवणुकीने गणरायाचे भव्य स्वागत.
----------------------------------
कुंभोज प्रतिनिधी
विनोद शिंगे
----------------------------------
कुंभोज तालुका हातकणंगले येथील देशप्रेमी तरुण मंडळाने यंदा त्यांच्या २५ व्या वर्षाची कारकीर्द मोठ्या जल्लोषात साजरी केली. या रौप्यमहोत्सवी वर्षाच्या निमित्ताने मंडळाने ऐतिहासिक आणि पारंपरिक पद्धतीने भव्य मिरवणूक काढून बाप्पाचे स्वागत केले.
मंडळाच्या गणेशोत्सवाला या वर्षी "संस्कृतीची जोड, परंपरेचा ठसा" ही संकल्पना होती. आकर्षक सजावट, पारंपरिक ढोल-ताशा पथक, लेझीम आणि वारकरी संघटनांच्या सहभागामुळे मिरवणूक अविस्मरणीय ठरली. मिरवणुकीत बालगोपाळांपासून ते वयोवृद्धांपर्यंत सर्वांनी उत्साहाने सहभाग घेतला.
गणपती बाप्पाच्या आगमनासाठी फुलांनी सजवलेल्या रथावर आकर्षक मूर्तीची स्थापना करण्यात आली होती. मिरवणुकीत लोककलांचे विविध प्रकार, पारंपरिक वेशभूषा आणि पर्यावरणपूरक संदेश देणारे फलक लक्ष वेधून घेत होते.
मंडळाचे अध्यक्ष दिपक कोळी यांनी सांगितले की, "गेल्या २५ वर्षांत मंडळाने केवळ उत्सव साजरा न करता समाजोपयोगी उपक्रमांतही सक्रीय सहभाग घेतला आहे. यंदा देखील पर्यावरणपूरक गणेशोत्सवाचे महत्त्व अधोरेखित केले जाणार आहे."
या मिरवणुकीमुळे परिसरात उत्साहाचे वातावरण निर्माण झाले होते. नागरीकांनी रस्त्याच्या दुतर्फा उभे राहून मिरवणुकीचे स्वागत केले. गणरायाचे स्वागत करताना ढोल-ताशाच्या गजरात "गणपती बाप्पा मोरया!" चा जयघोष आसमंतात घुमत होता.
मिरवणुकीची सांगता गणेशमूर्तीच्या मंडपस्थापनेनंतर करण्यात आली. पुढील १० दिवस देशप्रेमी तरुण, अंकुश तरुण मंडळ ,अजिंक्य तरुण मंडळ ,समता तरुण मंडळ एकता तरुण मंडळ ,सूर्योदय तरुण मंडळ अमर तरुण मंडळ, विक्रम सिंह तरुण मंडळ ,सात मित्रांची तरुण मंडळ राष्ट्रप्रेम तरुण मंडळ, वाडी भाग तरुण मंडळ कुंभेश्वर तरुण मंडळ ,न्यू अंकुश तरुण मंडळ , अजिंक्य मंडळ ,चेतक मंडळ ,हिदवी तरुण मंडळ ,जयहिंद तरुण मंडळ, जागुती,,समता तरुण मंडळ, मल्हारराव तरुण मंडळ,यांनी विविध सामाजिक, सांस्कृतिक व शैक्षणिक उपक्रमांचे आयोजन करण्यात येणार आहे.विनोद शिंगे कुंभोज.
Comments
Post a Comment