राधानगरी पोलिसांतर्फे सरदार वल्लभभाई पटेल यांच्या 150 व्या जयंतीनिमित्त दौड रॅलीचे आयोजन.

-------------------------------------

राधानगरी प्रतिनिधी

विजय बकरे

-------------------------------------

राधानगरी (जि. कोल्हापूर):

कोल्हापूर पोलीस दल आणि राधानगरी पोलीस स्टेशन यांच्या वतीने “लोखंडपुरुष” सरदार वल्लभभाई पटेल यांच्या 150 व्या जयंतीनिमित्ताने आज भव्य दौड रॅली काढण्यात आली. या उपक्रमाचे उद्घाटन राधानगरी पोलीस स्टेशनचे पोलीस निरीक्षक संतोष गोरे यांच्या हस्ते करण्यात आले.

ही रॅली चक्रेश्वरवाडी फाटा ते खिंडी व्हरवडे मार्गे गैबी नाका येथे पार पडली. कार्यक्रमात पोलीस स्टेशनचे दोन अधिकारी, वीस पोलिस अमलदार, दहा होमगार्ड, तसेच लक्षकरियर अकॅडमी खिंडी व्हरवडेचे 250 धावपटू आणि खिंडी व्हरवडे गावातील नागरिक मोठ्या संख्येने सहभागी झाले.

या प्रसंगी एकता, देशभक्ती आणि लोकजागृतीचा संदेश देण्यात आला.

रॅलीदरम्यान “एक भारत – श्रेष्ठ भारत”, “देशासाठी धावू या” अशा घोषणांनी परिसर दुमदुमला.

पोलीस निरीक्षक संतोष गोरे यांनी सांगितले की,

> “सरदार वल्लभभाई पटेल यांच्या कार्यातून प्रेरणा घेऊन समाजात राष्ट्रीय एकात्मतेचा संदेश पोहोचवणे, हीच या रॅलीमागची प्रेरणा आहे.”

रॅलीनंतर सहभागी धावपटूंना अल्पोपहार व प्रमाणपत्रांचे वितरण करण्यात आले.