पाचगावात पोलिसांचा जुगार अड्ड्यावर छापा — १४ जणांवर गुन्हा दाखल.

पाचगावात पोलिसांचा जुगार अड्ड्यावर छापा — १४ जणांवर गुन्हा दाखल.

३३ लाखांचा मुद्देमाल जप्त; दोन जुगार मालक आणि घरमालकाला नोटीस.

*****************

शशिकांत कुंभार.

*****************

कोल्हापूर :

करवीर तालुक्यातील पाचगाव येथील आण्णा पाटील नगर परिसरात पोलिसांनी मोठी छापा कारवाई करत जुगार अड्डा उध्वस्त केला. या कारवाईत ३३ लाख ५ हजार ४३० रुपयांचा मुद्देमाल जप्त करण्यात आला असून १४ जणांविरुद्ध महाराष्ट्र जुगार प्रतिबंधक कायदा कलम ४ आणि ५ नुसार गुन्हा दाखल करण्यात आला आहे.

🔹 छापा कारवाईचे नेतृत्व

ही कारवाई पोलीस निरीक्षक किशोर शिंदे यांच्या मार्गदर्शनाखाली पार पडली.

कारवाईत पोलीस उपनिरीक्षक नाथा गळवे, हेडकॉन्स्टेबल सुभाष सरवडेकर, तसेच सुजय दावणे, विजय तळसकर, रणजीत पाटील, अमित जाधव, अमोल चव्हाण, प्रकाश कांबळे, विजय पाटील आणि योगेश शिंदे हे अधिकारी सहभागी होते.

---

🔹 घटनेचा आढावा

मंगळवारी (दि. ७ ऑक्टोबर २०२५) रात्री साडेनऊच्या सुमारास पाचगाव ते गिरगाव रोडवरील आण्णा पाटील नगरातील संजय भोटे यांच्या आरसीसी घरात संशयास्पद हालचाली सुरू असल्याची गुप्त माहिती पोलिसांना मिळाली.

त्यावरून पोलिसांनी छापा टाकला असता तीन पत्तीचा जुगार मोठ्या प्रमाणात सुरू असल्याचे उघड झाले. काही आरोपींनी पोलिसांची चाहूल लागताच पळ काढला, तर काहींना घटनास्थळीच ताब्यात घेण्यात आले

🔹 पकडलेले आरोपी

1. अरविंद सखाराम कुचेकर (२९)

2. अनिकेत बळवंत कदम (३२)

3. प्रकाश विष्णु बुचडे (३२)

4. उत्तम राजेंद्र भोसले (४२)

5. अतिष गोरोबा कांबळे (३०)

6. कुणाल रणजित परमार (३६)

7. सागर खंडु कांबळे (३०)

8. सौरभ अशोक पोवार (२९)

9. योगेश मोहन सुर्यवंशी (३५) — जुगार मालक

10. संतोष गायकवाड — जुगार मालक

11. संजय बाबुराव भोटे (४०) — घरमालक

12. अमित बुकशेट

13. रवी सोनटक्के

14. इतर ३ ते ४ आरोपी फरार असून त्यांचा शोध सुरू आहे.

🔹 जप्त केलेला मुद्देमाल

छाप्यात पोलिसांनी खालील वस्तू हस्तगत केल्या:

₹१,२५,४३०/- रोख रक्कम

₹२,०५,००० किंमतीचे आठ मोबाईल हँडसेट

₹२,७५,००० किंमतीच्या तीन मोटरसायकली

₹२४,००,००० किंमतीच्या दोन चारचाकी वाहने

₹३,००,००० किंमतीचे एक रिक्षा

पत्याचा ५२ पानांचा संच

एकूण मुद्देमाल किंमत ₹३३,०५,४३०/- इतकी आहे.

🔹 गुन्हा नोंद व तपास

या प्रकरणी हेडकॉन्स्टेबल सुभाष अर्जुन सरवडेकर (करवीर पोलीस ठाणे) यांनी तक्रार दिली असून

गुन्हा क्र. ६४१/२०२५ हा महाराष्ट्र जुगार कायदा कलम ४ व ५ अंतर्गत नोंदविण्यात आला आहे.

पुढील तपास पोलीस उपनिरीक्षक नाथा गळवे करीत आहेत.