दिनकर कुंभार यांच्या स्मरणार्थ कौलव गिरी मठाला भरीव आर्थिक मदत.

 दिनकर कुंभार यांच्या स्मरणार्थ कौलव गिरी मठाला भरीव आर्थिक मदत.


--------------------------------------

राधानगरी प्रतिनिधी

 विजय बकर

--------------------------------------

 राधानगरी तालुक्यातील कौलव येथील गिरी मठाच्या जीर्णोद्धाराचे काम वेगाने सुरू असून, या पवित्र कार्याला कौलव पंचक्रोशीतून मोठ्या प्रमाणावर आर्थिक मदत मिळत आहे. याच परंपरेला अनुसरून, येथील सुपुत्र दत्तात्रेय कुंभार यांनी आपल्या दिवंगत वडील, प्रतिष्ठित नागरिक आणि प्रसिद्ध कुंभार कारागीर दिनकर पांडुरंग कुंभार यांच्या स्मरणार्थ मठाला भरीव आर्थिक मदत देऊ केली आहे. उत्तर कार्याला होणाऱ्या अनावश्यक जेवणावळी आणि इतर धार्मिक खर्चांना बगल देत, त्यांनी घेतलेल्या या निर्णयामुळे मठाच्या जीर्णोद्धार कार्याला नवी गती मिळाली आहे.

कौलव येथील या गिरी मठाला शंभर वर्षांची गौरवशाली समाजप्रबोधनाची परंपरा आहे. राधानगरी तालुक्यातील हा पहिला गिरी समाजाचा मठ म्हणून त्याची ओळख आहे. या मठाचे मुख्य वैशिष्ट्य म्हणजे येथे वर्षभर अखंड चालणारे ग्रंथवाचन आणि प्रवचन. याशिवाय, वर्षभर हिंदू समाजाच्या विविध सणांच्या विधी अत्यंत श्रद्धेने पार पडतात.

दिवंगत दिनकर पांडुरंग कुंभार हे कौलव पंचक्रोशीतील एक प्रसिद्ध आणि निष्ठावान कारागीर होते. त्यांची या मठावर प्रचंड श्रद्धा होती आणि गेल्या पन्नास वर्षांहून अधिक काळ ते या मठाच्या सान्निध्यात होते. मठाच्या प्रत्येक कार्यात त्यांचा सक्रिय सहभाग असे. त्यांचे आकस्मिक निधन कौलव पंचक्रोशीसाठी धक्कादायक होते. वडील दिनकर कुंभार यांच्या कार्याची आणि मठावरील श्रद्धेची आठवण म्हणून, त्यांचे सुपुत्र, कौलव पंचक्रोशीतील प्रसिद्ध संपादक दत्तात्रेय कुंभार यांनी मठाला मदत करण्याचा उदात्त निर्णय घेतला.

या मदतीचे स्वरूप म्हणून, दिनकर कुंभार यांच्या पत्नी श्रीमती सखुबाई दिनकर कुंभार आणि त्यांचे पुत्र दत्तात्रेय दिनकर कुंभार व सागर दिनकर कुंभार यांनी संयुक्तपणे आनंदा बुवा यांच्याकडे धनादेश सुपूर्द केला. कुंभार कुटुंबीयांनी केलेल्या या अतुलनीय मदतीमुळे कौलव परिसरात त्यांनी एक वेगळी ओळख निर्माण केली आहे. त्यांच्या या कृतीतून वयोवृद्ध लोकांना तसेच धार्मिक आणि सांप्रदायिक वारसा जपणाऱ्या अनेक तरुणाईला प्रेरणा मिळाली आहे. ही मदत केवळ आर्थिक नसून, ती सामाजिक बांधिलकी आणि श्रद्धा वृद्धिंगत करणारी आहे, असे मत अनेकांनी व्यक्त केले.

Comments

Post a Comment

Popular posts from this blog

गांधीनगरमध्ये दुकानदाराची ७.५१ लाखांची फसवणूक; दुकानातील कर्मचाऱ्यावर गुन्हा दाखल.

Image
  गांधीनगरमध्ये दुकानदाराची ७.५१ लाखांची फसवणूक; दुकानातील कर्मचाऱ्यावर गुन्हा दाखल. -------------------------------- कोल्हापूर प्रतिनिधी शशिकांत कुंभार  --------------------------------- गांधीनगर :- गांधीनगर येथील सोनी होजिअरी अँड किड्स वेअर या दुकानातील एका कर्मचाऱ्याने मालकाची तब्बल ७ लाख ५१ हजार २८० रुपयांची आर्थिक फसवणूक केल्याचा धक्कादायक प्रकार समोर आला आहे. या प्रकरणी दुकानाच्या मालकांनी गांधीनगर पोलीस ठाण्यात फिर्याद दाखल केली असून, आरोपी कर्मचाऱ्याविरोधात गुन्हा दाखल करण्यात आला आहे. गांधीनगर येथील रहिवासी अमित लेखराज जेवराणी (वय ४०) यांनी गांधीनगर पोलीस ठाण्यात ही फिर्याद दिली आहे. त्यांच्या आईच्या मालकीच्या 'सोनी गारमेंट' नावाच्या दुकानात दीपक जियंदराय पोपटाणी याला २०१८ पासून कामावर ठेवण्यात आले होते. फिर्यादीनुसार, दीपक पोपटाणीने दुकानात काम करत असताना, 'सोनी होजिअरी अँड किड्स वेअर' या नावाचा वापर करून विविध व्यापाऱ्यांकडून माल खरेदी केला. त्याने ७ लाख ५१ हजार २८० रुपयांच्या मालाचे पैसे परस्पर घेतले. एवढेच नव्हे, तर काही व्यापाऱ्यांच्या नावाने खोटी बिले (बि...
Read more

अनैतिक प्रेम संबंधातून शिवथर येथील विवाहित महिलेचा गळा कापून खून.

Image
  अनैतिक प्रेम संबंधातून शिवथर येथील विवाहित महिलेचा गळा कापून खून. मयत:पूजा जाधव ------------------------------ सातारा जिल्हा प्रतिनिधी  अमर इंदलकर  ---------------------------  शिवथर ता.जिल्हा सातारा या ठिकाणी पूजा प्रथमेश जाधव या विवाहित महिलेचा धारदार शस्त्राने खून  करण्यात आला. आरोपी:-अक्षय रामचंद्र साबळे पोलिसाकडून मिळाली अधिक माहिती अशी की,  शिवथर तालुका जिल्हा सातारा या ठिकाणी एका महिलेचा तिच्या राहत्या घरात खून झाला असलेले पोलिसांना समजले अशोक लक्ष्मण साबळे राहणार शिवतर तालुका जिल्हा सातारा यांची ती विवाहित मुलगी असुन कोनी अज्ञात व्यक्तीने तिच्या धारदार शस्त्राने वार केला असल्याचे दिसत होते  पोलीस निरीक्षक निलेश तांबे यांनी या खुनाचा तपास सुरू केला काही गोपनीय माहिती आधारित पूजा प्रथमेश जाधव व.व.  27 हिचा खून तिच्या प्रियकर अक्षय रामचंद्र साबळे वय वर्ष 28 राहणार शिवथर यांनी केला असल्याचे निष्पन्न झाले. अक्षय रामचंद्र साबळे व पूजा प्रथमेश जाधव हे गेल्या सहा वर्षापासून अनैतिक प्रेम संबंध होते  आपण पळून जाऊ आणि लग्न करू असा तगादा अक्षय ...
Read more

गणेश टॉकीज जवळ बुलेट ने ठोकर दिल्याने एका महिलेचा मृत्यू.तर दोघेजण जखमी.

Image
  गणेश टॉकीज जवळ बुलेट ने ठोकर  दिल्याने एका महिलेचा मृत्यू.तर दोघेजण जखमी. -------------------------------- कोल्हापूर जिल्हा प्रतिनिधी शशिकांत कुंभार. -------------------------------- गांधीनगर : काल रात्री  12 वाजण्याच्या सुमारास सरिता नंदलाल पंजाबी या  फिरावयास गेल्या असता पंजाबी यांना बुलेट ने पाठीमागून जोरदार धडक दिल्याने त्या गंभीर जखमी झाल्या त्यांना जखमी अवस्थेत सिपीआर रुग्णालयात उपचारासाठी दाखल करण्यात आले उपचारा दरम्याण रात्री सव्वा तिनच्या सुमारास त्याचा मुत्यु झाला.  या आपघाताबाबत पोलिसांकडून मिळालेली माहिती अशी की, काल दिनांक 06/08/2025 रोजी सिद्धार्थ राजू कसबे व इरफान मेहबूब नदाफ रा इंदिरा नगर झोपडपट्टी हे दोघे  नविन बुलेट वरुन कोल्हापूर कडे निघाले होते  या सुमारास सरीता पंजाबी व व 49 रा कोयना कॉलनी नेहमीप्रमाणे जेवण आटपून फिरावयास गेल्या होत्या त्या गणेश टॉकीज जवळ आल्यावर त्यांना बुलेट ने पाठीमागून जोरदार धडक दिली  धडक बसताच त्या जागीच कोसळल्या या अपघातातील जखमीना तेथे उपस्थित असलेल्या नागरीकानी उपचारासाठी सिपीआर रुग्णालयात दाखल केले...
Read more