मोदींकडून विकसित भारताचे स्वप्न साकार, काँग्रेसने आजवर केवळ पोकळ स्वप्ने दाखवली, खासदार धनंजय महाडिक यांचे प्रतिपादन, कुंभी कासारी कारखान्यावर झाला मेळावा.

 मोदींकडून विकसित भारताचे स्वप्न साकार, काँग्रेसने आजवर केवळ पोकळ स्वप्ने दाखवली, खासदार धनंजय महाडिक यांचे प्रतिपादन, कुंभी कासारी कारखान्यावर झाला मेळावा.


गेली साठ वर्षे काँग्रेसने गरीबी हटावचा नारा दिला. पण देशातील गरिबी काही कमी झाली नाही. मात्र नरेंद्र मोदी पंतप्रधान झाले आणि आंतरराष्ट्रीय स्तरावर देशाचा दबदबा तर वाढलाच, शिवाय समाजातील प्रत्येक घटकाला कल्याणकारी योजनांचा लाभ मिळाला. गेल्या १० वर्षात देशातील २५ कोटी कुटुंबं दारिद्रय रेषेवर आली. पंतप्रधान मोदी यांच्यामुळे विकसित भारताचे स्वप्न साकार होत असल्याचे खासदार धनंजय महाडिक यांनी नमूद केले. कुडित्रे येथे झालेल्या मेळाव्यात ते बोलत होते.

करवीर तालुक्यातील कुडित्रे येथे पश्चिम पन्हाळा भाजप नूतन पदाधिकारी नियुक्ती आणि बांधकाम कामगारांचा मेळावा पार पडला. यावेळी खासदार धनंजय महाडिक, भाजप जिल्हाध्यक्ष समरजित घाटगे, महेश जाधव, विजय जाधव, दत्तात्रय मेडसिंगे, डॉ के.एन. पाटील यांची प्रमुख उपस्थिती होती. देशातील सत्ताधारी भाजप सरकारमुळे विकासाचा रोडमॅप सत्यात उतरत असल्याचे खासदार धनंजय महाडिक यांनी सांगितले. पंतप्रधान मोदींनी आंतरराष्ट्रीय स्तरावर भारताचा नावलौकिक वाढवलाय. समाजातील प्रत्येक घटकाला उपयुक्त जनकल्याणाच्या योजना राबवल्या. मुलभूत सोयी-सुविधांसह ठोस धोरण राबवून, पंतप्रधान मोदी यांनी भारताला विकसित राष्ट्र बनवण्याचे ठरवले आहे. त्यामुळेच येत्या लोकसभा निवडणुकीत भाजपच्या ४०० पेक्षा अधिक जागा निवडून येतील, असा विश्वास खासदार महाडिक यांनी व्यक्त केला. तर समरजित घाटगे यांनीही पंतप्रधान मोदी यांच्यामुळे युवक, शेतकरी, महिला आणि गरीब माणूस यांच्यासाठी अनेक योजना आणल्याचे सांगितले. मोदी पंतप्रधान झाले आणि साखर कारखान्यांची आयकरातून मुक्तता झाली. इथेनॉल निर्मिती, त्याला हमी भाव, कर्जाचे पुनर्गठण करून आर्थिक आधार यामुळे शेतकर्‍यांच्या मालकीचे साखर कारखाने वाचले, असे समरजितसिंह घाटगे म्हणाले. यावेळी राहूल देसाई, महेश जाधव, विजय जाधव, मंदार परितकर यांनीही मनोगते व्यक्त केली. यावेळी सरपंच जोत्स्ना पाटील, सुशिला पाटील, रेखा पाटील, भयाजी गावडे, सुनिल कणेकर, संजय पाटील, हनमंत लांडगे, भगवान निरुके यांच्यासह ग्रामस्थ उपस्थित होते.

Comments

Post a Comment

Popular posts from this blog

शिये येथे अल्पवयीन मुलीचा खून.

Image
  शिये येथे अल्पवयीन मुलीचा खून. -----------------------------------------  फ्रंटलाईन न्युज महाराष्ट्र  शिरोली प्रतिनिधी अमित खांडेकर  -----------------------------------------  करवीर तालुक्यातील शिये  येथे परप्रांतीय अल्पवयीन मुलीचा खून झाल्याची घटना आज गुरुवारी  उघडकीस आली आहे. तिचा मृतदेह शिये येथील रामनगर परिसरातील शेतामध्ये आढळून आल्याने परिसरात खळबळ उडाली आहे.       अधिक माहिती अशी की,करवीर तालुक्यातील शिये येथील रामनगर येथे परप्रांतीय कुटुंब वास्तव्यास आहे.बुधवारी सायंकाळी त्यांची मुलगी बेपत्ता झाली होती.त्यांनी बराच वेळ शोधाशोध केली,पण ती आढळुन आली नाही. त्यानंतर त्यांनी रात्री उशिरा शिरोली एमआयडीसी पोलीस ठाण्यात मध्ये याबाबतची फिर्याद दिली होती. आज दुपारी एक च्या सुमारास रामनगर येथील एका हॉटेल लगत असलेल्या शेतामध्ये या मुलीचा मृतदेह आढळुन आला.मृतदेह पाहिल्यानंतर मुलीच्या आईवडिलांनी हंबरडा फोडला. घटनास्थळावरचे दृश्य अंगावर शहारा आणणारे होते.घटनास्थळी नागरिकांनी मोठी गर्दी केली होती. घटना समजल्यानंतर पोलीस तातडीने घटनास्थळी पोहोचले. पंचनामा करून मृतदेह उत्तरीय  तपासणी साठी पाठवण
Read more

मध्यवर्ती बस स्थानकावर एकाचा गळा आवळून खून .कोल्हापूर मधील घटना.

Image
  मध्यवर्ती बस स्थानकावर एकाचा गळा आवळून खून .कोल्हापूर मधील घटना. कोल्हापूर : कोल्हापूर शहरात गुन्ह्यात वाढ होत असताना मध्यवर्ती बसस्थानकातील एका दुकानाच्या पायरीवर गळा आवळून तरुणाचा खून केल्याचा प्रकार गुरुवारी (दि. २६) सकाळी उघडकीस आला. संदीप रामगोंडा शिरगावे (वय ३५, रा. चिंचवाड, ता. शिरोळ) अस मयताचे नाव असून या घटनेची नोंद सीपीआर पोलिस चौकीत झाली आहे. संशयितांच्या शोध घेण्यासाठी शाहूपुरी पोलिसांची  पथके रवाना झाली होती त्या पथकांनी दोन संशयित ताब्यात घेतले असल्याची माहिती समोर येत आहे .  पोलिसांनी दिलेल्या माहितीनुसार, गुरुवारी सकाळी मध्यवर्ती बसस्थानक परिसरातील एसटी प्रोव्हिजन स्टोअरच्या पायरीवर एक तरुण बेशुद्ध अवस्थेत पडल्याची माहिती एसटीच्या अधिका-यांकडून शाहुपुरी पोलीसांना मिळाली. पोलिसांनी घटनास्थळी जाऊन पाहणी केली असता, तो मृत झाल्याचे लक्षात आले. जवळचं त्याची बॅग होती. गळ्यावर दोरीचे व्रण दिसत असल्याने गळा आवळून त्याचा खून केला असल्याचा  प्राथमिक अंदाज पोलिसांनी वर्तविला आहे. त्याच्याकडील सापडलेल्या डायरीत असलेल्या नावावरून पोलिसांनी त्याची ओळख पटली असून. त्याचे नाव संदीप शि
Read more

बदलापूर व कोल्हापूर ही घटना ताज्या असतानाच सांगलीत संजय नगर परिसरात एका सराईत गुन्हेगाराने 15 वर्षीय अल्पवयीन मुलीवर अत्याचार केल्याचे घटना घडली.

Image
  बदलापूर व कोल्हापूर ही घटना ताज्या असतानाच सांगलीत संजय नगर परिसरात एका सराईत गुन्हेगाराने 15 वर्षीय अल्पवयीन मुलीवर अत्याचार केल्याचे घटना घडली. -------------------------------------- मिरज तालुका प्रतिनिधी  राजू कदम  -------------------------------------- काल रात्री साडेनऊच्या सुमारास संशयित आरोपीने अल्पवयीन मुलीवर लैंगिक अत्याचार करून ह्या घटनेचे कुठे वाच्यता केलीस तर बघ अशी धमकी त्या पिडीतिला दिली. ही घटना पिडीतिने तिच्या आईस  सांगितली. या घटनेची तक्रार करण्यासाठी पीडित व तिची आईने संजय नगर पोलीस ठाण्यात दुपारी पावणे बाराच्या सुमारास तक्रार दिली. त्या फिर्यादी वरून संशयितांच्या शोधण्यास संजय नगर पोलीस ठाण्याचे प्रभारी अधिकारी पोलीस निरीक्षक बयाजी कुरळे यांच्या मार्गदर्शनाखाली दोन पथके रवाना करून आरोपीला तक्रार दिल्यापासून दीड तासात अटक केले.  अटक केलेल्या आरोपी नाव संजय प्रकाश माने (वय 30) असे असून तो अत्याचार केलेल्या पीडीतीच्या शेजारीच आहे. सदर घटनेचा अधिक तपास संजय नगर पोलीस ठाण्याचे प्रभारी अधिकारी पोलीस निरीक्षक बयाजी कुरळे हे करीत आहेत.
Read more