हनुमान नगर शिये येथील कुरीअर मधील चोरीचा गुन्हा उघड.मुद्देमालासह चोरट्यास अटक.स्थानिक गून्हे अन्वेषण शाखेची कारवाई.

 हनुमान नगर शिये येथील कुरीअर मधील चोरीचा गुन्हा उघड.मुद्देमालासह चोरट्यास अटक.स्थानिक गून्हे अन्वेषण शाखेची कारवाई.

----------------------------------------- 

शिरोली प्रतिनिधी

अमित खांडेकर 

----------------------------------------- 

दिनांक 29/08/2024 ते ,30/08/2024 रोजी

 संजय राजाराम बंडागळे यांच्या महिंद्रा लॉजेस्टीक हनुमान नगर शिये ता. करवीर येथे असलेल्या ऑफीसचा मागील दरवाज्याची कडी उचकटुन आत प्रवेश करुन ऑफिसमधील ड्रावरमधील लॉकरची चावी घेवून लॉकर उघडून लॉकरमध्ये ठेवलेले  एकुण ३,१४,६०३/रुपये फिर्यादीचे व कंपनीचे संमतीशिवाय कोणतरी अज्ञात चोरटयाने चोरून नेले बाबत फिर्यादी यांनी शिरोली पोलीस ठाण्यात दिलेल्या फिर्यादी नुसार गुन्हा दाखल करण्यात आला होता.

शिरोली एमआयडीसी येथील महिंद्रा कुरियर ऑफीसची घरफोडी उघड करण्यास 

पोलीस अधीक्षक  महेंद्र पंडीत  स्थानिक गुन्हे शाखेचे पोलीस निरीक्षक  रविंद्र कळमकर यांना घरफोडी रेकॉर्डवरील आरोपी तपासून गुन्हे उघडकीस आणणेबाबत मार्गदर्शन करून सुचना दिल्या होत्या. दिलेल्या सुचनेप्रमाणे पोलीस निरीक्षक श्री. रविंद्र कळमकर यांनी स्थानिक गुन्हे शाखा, कोल्हापूर कडील पोलीस अंमलदार यांचे तपास पथक तयार करून तपास सुरू केला. घरफोडीचे गुन्हे उघडकीस आन्यायचा प्रयत्न चालु असताना स्थानिक गुन्हे अन्वेषण शाखेकडील पोलीस अंमलदार राम कोळी, शुभम संकपाळ, सागर माने, सोमराज पाटील, लखन पाटील, परशुराम गुजरे यांनी केलेल्या तांत्रीक तपासान्वये शिये येथील महिंद्र कुरियर ऑफीसमध्ये केलेली घरफोडी ही तेथील कामगार  पंकज कल्याणकर यांनेच केली असल्याची खात्री झाली. त्यामुळे  पंकज यास ताब्यात घेऊन त्यास त्याचे नाव विचारले असता त्याने त्याचे नाव पंकज कुंतीलाल कल्याणकर, वय २३ वर्षे, रा. आर. के. नगर पाचगाव, कोल्हापूर असे सांगीतले. त्याच्याकडे सखोल तपास केला असता त्याने गुन्हा केल्याचे कबुल केले. त्यानंतर दोन पंचासमक्ष कायदेशिर प्रक्रीया करून त्याचेकडून रोख रक्कम रूपये ३,०६,०००/- रूपये हस्तगत करण्यात आले आहेत. त्याने आणखीन काही गुन्हे केले आहेत काय याबाबत त्याचेकडे तपास सुरू असून त्यास पुढील कायदेशिर कारवाई करिता शिरोली एम.आय.डी.सी. पोलीस ठाणेस हजर केले आहे.

सदरची कारवाई पोलीस अधीक्षक महेंद्र पंडीत , यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक  रविंद्र कळमकर, राम कोळी, सागर माने, सोमराज पाटील, लखन पाटील, शुभम संकपाळ, परशुराम गुजरे यांनी केली आहे.