कोल्हापूर परिमंडलात ४० कोटी ०७ लाखांची वीजबिल थकबाकी.

 कोल्हापूर परिमंडलात  ४० कोटी ०७ लाखांची  वीजबिल थकबाकी.


---------------------------------------

कोल्हापूर प्रतिनिधी

शशिकांत कुंभार 

-------------------------------------

ग्राहकांनी वीजबिल भरून सहकार्य करावे – महावितरण.

*कोल्हापूर/सांगली, दि. २२ जानेवारी २०२५:* विजेचा वापर केल्यानंतरही बिलांचा मासिक भरणा नियमित होत नसल्याने कोल्हापूर परिमंडल अंतर्गत प्रामुख्याने घरगुती, व्यावसायिक व औद्योगिक वर्गवारीतील ०४ लाख ११ हजार ६३३ ग्राहकांकडे ४० कोटी ०७ लाख रुपयांची  थकबाकी झाली आहे. थकबाकीदार वीजग्राहकांनी थकीत बिलांचा त्वरित भरणा करावा व वीजपुरवठा खंडित करण्याची कटू कारवाई टाळावी असे आवाहन महावितरणकडून करण्यात आले आहे.


यामध्ये कोल्हापूर परिमंडल अंतर्गत येणाऱ्या कोल्हापूर व सांगली जिल्ह्यातील घरगुती ०३ लाख ७४ हजार ४२ ग्राहकांकडे २९ कोटी ५१ लाख, व्यावसायिक ३१ हजार ७०० ग्राहकांकडे ०६ कोटी ६९ लाख आणि औद्योगिक ५ हजार ८९१ ग्राहकांकडे ३ कोटी ८६ लाख रुपयांच्या वीजबिलांची थकबाकी आहे.


घरगुती, व्यावसायिक व औद्योगिक वर्गवारीमध्ये कोल्हापूर जिल्ह्यातील कोल्हापूर शहर विभागात एकूण २४ हजार ३०७ ग्राहकांकडे ०२ कोटी ४७ लाख, कोल्हापूर ग्रामीण-१ विभागात ५३ हजार ४२६ ग्राहकांकडे ३ कोटी ४३ लाख, कोल्हापूर ग्रामीण-२ विभागात ४६ हजार ८६७ ग्राहकांकडे ०३ कोटी ७७ लाख, जयसिंगपूर विभागात ३३ हजार ५५७ ग्राहकांकडे ०३ कोटी ०२ लाख, इचलकरंजी विभागात २४ हजार ५९१ ग्राहकांकडे ०३ कोटी ३१ लाख व गडहिंग्लज विभागात २२ हजार ९९३ ग्राहकांकडे ०१ कोटी १० लाख रुपयांची थकबाकी आहे.


तर सांगली जिल्ह्यातील सांगली शहर विभागात ३६ हजार ८१९ ग्राहकांकडे ०४ कोटी ७० लाख, सांगली ग्रामीण विभागात ३७ हजार ३६४ ग्राहकांकडे ०३ कोटी ४० लाख, इस्लामपूर विभागात ४९ हजार ७९४ ग्राहकांकडे ०५ कोटी ८५ लाख, कवठेमहांकाळ विभागात ३७ हजार २३१ ग्राहकांकडे ०३ कोटी ७४ लाख व विटा विभागात ४४ हजार ६८४ ग्राहकांकडे ०५ कोटी २८ लाख रुपयांची थकबाकी आहे. या थकीत बिलांचा त्वरित भरणा करावा व वीजपुरवठा खंडित करण्याची कटू कारवाई टाळावी असे आवाहन महावितरणकडून करण्यात आले आहे.


वीजग्राहकांना www.mahadiscom.in या वेबसाईटवर तसेच महावितरणच्या मोबाईल अॅपद्वारे केव्हाही व कुठूनही ऑनलाइन पध्दतीने विनामर्यादा वीजबिलाचा भरणा करता येतो. ग्राहकांना देय रक्कमेवर ०.२५ टक्के डिजिटल वीज बिल भरणा सूट दिली जाते. या व्यतिरिक्त महावितरणने ५ हजार रुपयांपेक्षा अधिक बिल असणाऱ्या सर्व लघुदाब ग्राहकांना आरटीजीएस किंवा एनईएफटीद्वारे देयक भरण्याची सुविधा उपलब्ध करून दिलेली आहे. त्यासाठी आवश्यक माहितीचा तपशील संबंधित ग्राहकांच्या वीजबिलावर उपलब्ध आहे. 


*ऑनलाईन वीज बिल भरणाऱ्या ग्राहकांकरता लकी ड्राँ  योजना*


महावितरणने ऑनलाईन वीज बिल भरणाऱ्या ग्राहकांचा टक्का वाढविण्याच्या हेतूने लकी डिजिटल ग्राहक योजना सुरू केली आहे. या योजनेसाठी ऑनलाईन पध्दतीने वीज बिल भरणा करणारे सर्व लघुदाब वीज ग्राहक पात्र ठरणार आहेत. १ जानेवारी ते ३१ मे २०२५ या कालावधीत सलग तीन  वा तीन पेक्षा अधिक वीज बिले भरून योजनेच्या लाभाची संधी ग्राहकांना उपलब्ध करण्यात आली आहे. ग्राहकांना लकी ड्राँव्दारे  स्मार्ट फोन, स्मार्ट वॉच अशी आकर्षक बक्षिसे  दिली जाणार आहेत. ही योजना महावितरणच्या अशा लघुदाब चालू (LT Live) वीजग्राहकांसाठी लागू असेल.

Comments

Popular posts from this blog

गांधीनगर मध्ये युवकांचा धारधार शस्त्राने निघृण खून.

निगडेवाडीत वह्यांचे वाटप.

गणेशोत्सव आगमन सोहळ्याचा फलक लावताना शॉक लागून एकाचा मृत्यू ; सहा जण जखमी.गारगोटीतील घटना.