जिल्हा बँकेच्या वारणानगर शाखेत ३ कोटी २१ लाखावर अपहार : एका महिलेसह चौघांना अटक,शाखाधिकारी फरार.

 जिल्हा बँकेच्या वारणानगर शाखेत ३ कोटी २१ लाखावर अपहार : एका महिलेसह चौघांना अटक,शाखाधिकारी फरार.

------------------------------------- 

कुंभोज प्रतिनिधी

विनोद शिंगे

------------------------------------- 

पेस्लिप वर खोट्या सह्या,बनावट खाती तयार करून झाला अपहार.

कोल्हापूर जिल्हा मध्यवर्ती सहकारी बँकेच्या वारणानगर ता. पन्हाळा शाखेत पे स्लिप वर तसेच धनादेशाद्वारे बोगस व खोट्या सह्या करून तसेच खातेदारांचे नावे बनावट खाती उघडून ३ कोटी २१ लाख ९१ हजार ६१९ रुपयांचा अपहार केल्याप्रकरणी शाखाधिकारी,कॅशियर,क्लार्क अशा पाच जनावर कोडोली पोलीस ठाण्यात गुन्हा दाखल झाला असून एका महिलेसह चौघांना अटक केली असून शाखाधिकारी फरार झाला आहे.या आर्थिक घोटाळ्याने सहकार क्षेत्रात एकच खळबळ उडाली आहे.

जिल्हा मध्यवर्ती बँकेच्या कोल्हापूर शाखेचे उपव्यवस्थापक बाळासो हरी बेलवळेकर रा. कुरुकली, ता. कागल जि.कोल्हापूर यांनी याची कोडोली पोलीस ठाण्यात आज मंगळवार दि.२९ रोजी फिर्याद नोंदवली आहे.दि.१५ जुलै २०२१ ते दि. २० ऑगष्ट २०२४ या कालावधीमध्ये कार्यरत असणारे वारणा शाखेचे शाखाधिकारी तानाजी ईश्वरा पोवार रा.कळे ता. पन्हाळा, क्लार्क मुकेश विलास पाटील रा. मसूद माले ता. पन्हाळा कॅशियर शिवाजी शहाजी पाटील रा.आरळे ता.पन्हाळा,मिनाक्षी भगवान कांबळे रा.कोडोली ता. पन्हाळा,शरीफ मुन्तांज मुल्ला रा. कोडोली ता.पन्हाळा यांचे विरोधात गुन्हा दाखल करण्यात आला असून शाखाधिकारी वगळता चौघांना अटक केली आहे.

       आरोपींनी संगनमताने बँकेची आर्थिक फसवणूक,विश्वासघात करुन पे स्लीप वर धनादेशावर खोट्या व बोगस सह्या करुन तसेच खातेदारांचे नांवे बोगस खाती उघडून त्यातून रक्कमा काढून घेवून तसेच बंद खातेवरील रक्कमा काढून घेवून कर्मचाऱ्यांचा युजर आयडी,पासवर्ड वापरुन तसेच आर्थिक व्यवहारा संबंधिची महत्वाची कागदपत्रे,केवायसी तपासणी दरम्यान वरील आरोपींना मागणी करुन देखील न देता रक्कम ३ कोटी २१ लाख ९१ हजार ६१९ रुपयांचा इतक्या रक्कमेचा अपहार करुन कोल्हापूर जिल्हा मध्यवर्ती बँक, वारणानगर शाखेची फसवणूक केली म्हणून . बँकेतर्फे फिर्याद नोंदवली आहे.

    आरोपी शाखाधिकारी तानाजी पोवार याचा पोलीसांनी शोध सुरु केला आहे.आर्थिक गुन्हे शाखेच्या पोलीस उपअधिक्षक सुवर्णा पत्की, कोडोली पोलीस ठाण्याचे सहा. पोलीस निरीक्षक कैलास कोडग तपास करत आहेत.