Frontline News Maharashtra

 विनापरवाना जळाऊ लाकूड वाहतूक प्रकरण : पिराचीवाडी रोडवर ट्रक जप्त; सुमारे २.८० लाखांचा मुद्देमाल हस्तगत. -------------------------------------------------- राधानगरी प्रतिनिधी विजय बकरे ----------------------------------------------------- राधानगरी प्रादेशिक वनविभागाने मिळालेल्या गुप्त माहितीच्या आधारे कसबा वाळवे येथील पिराचीवाडी रोडवरील साळोखेनगर कोपऱ्याजवळ छापा टाकून विनापरवाना जळाऊ लाकूड वाहतूक करणारा ट्रक (क्रमांक MH-09 BC 5453) जप्त केला. या कारवाईत सुमारे दोन लाख ऐंशी हजार रुपयांचा मुद्देमाल जप्त करण्यात आला आहे. वनविभागाच्या अधिकाऱ्यांनी दिलेल्या माहितीनुसार, या ट्रकमध्ये मोठ्या प्रमाणात जळाऊ लाकूड बेकायदेशीररीत्या वाहतूक केली जात होती. पळशिवणे येथील ट्रकचालक युवराज संभाजी पोवार यांनी चौकशीत वाहतुकीसाठी कोणताही परवाना नसल्याचे कबूल केले. याप्रकरणी वनविभागाने विनापरवाना लाकूड वाहतूक केल्याप्रकरणी गुन्हा दाखल केला असून ट्रकसह सर्व मुद्देमाल जप्त करून पुढील कारवाई सुरू केली आहे. वनविभागाच्या या कारवाईमुळे अवैध लाकूड वाहतूक करणाऱ्यांमध्ये खळबळ उडाली आहे.

 घरांवर पाळत ठेवून घरफोडी करणाऱ्या चोरट्याच्यां कडून 24 तोळे  सोन्याचे दागिने जप्त.स्थानिक गुन्हे अन्वेषण शाखेची कारवाई . ----------------------------------------- सातारा जिल्हा प्रतिनिधी  अमर इंदलकर  ----------------------------------------- वाई  तालुका, जिल्हा सातारा साक्षी हाईटस, सी 16 सह्याद्री नगर येथून अज्ञात चोरट्यांनी फ्लॅटच्या दरवाजाचे कुलूप तोडून बेडरूम मधील लाकडी कपाटातील लॉकर फोडून दिनांक 19/06/2025 रोजी दोन लाख सतरा हजार रुपये किमतीचे सोने- चांदी दागिने चोरी केली असल्याची तक्रार वाई पोलीस स्टेशन येथे नोंद करण्यात आली होती.  त्याप्रमाणे स्थानिक गुन्हे शाखेकडील सहायक पोलीस निरीक्षक रोहित फाणें यांनी पोलीस अधीक्षक यांच्या अधिपत्याखाली तपास पथके तयार करुन त्यांना सदरचा  तपास पथकांनी गुन्हयाच्या घटनास्थळी वेळोवेळी भेटी देवून फिर्यादी, साक्षीदार व आजुबाजूच्या लोकांच्या कडे माहिती मिळवत कौशल्याने तपास केला,  गोपनीय माहितीच्या आधारे सदरचा गुन्हा हा पोलीस रेकॉर्डवरील आरोपी लोकेश रावसाहेब सुतार रा. लिंगनोर ता. मिरज जि.सांगली याने केला असल्याचे ...